27-30 تامىز كۇندەرى وزبەكستان تاۋەلسىزدىگىنىڭ 29 جىلدىعىنا وراي اۋىر اتلەتكادان حالىقارالىق ونلاين كۋبوكتىك دودا وتەدى. اتالعان سىنعا الەمنىڭ ۇزدىك سپورتشىلارى قاتىسپاقشى, - دەپ حابارلايدى Egemen.kz.
قازاقستان اتىنان ءزۇلفيا چينشانلو (55 كەلى) مەن يبراگيم بەرسانوۆ (109+) باق سىنايدى. جارىس ەرەجەسىنە سايكەس, سپورتشىلار ۇيىندە نەمەسە جاتتىعۋ ورتالىعىندا سىنعا تۇسەدى.
"تۋرنير ونلاين فورماتتى وتسە دە, ءبىز ءۇشىن وتە ماڭىزدى جارىس سانالادى. ءبىرىنشى كەزەكتە, كوماندانىڭ رۋحىن كوتەرۋگە اسەر ەتەدى. ويتكەنى, سپورتشىلار جارىس الاڭىن, جارىس اتموسفەراسىن قاتىت ساعىندى. سول سەبەپتى, ولار بۇل باسەكەدە بار كۇشىن سالادى", - دەيدى كوماندا باس باپكەرى باقىت احمەتوۆ.