بۇل كۇندەرى الەمنىڭ بىرقاتار ەلىندە تەننيستەن حالىقارالىق تۋرنيرلەر وتۋدە. سول جارىستاردا قازاقستاننىڭ ورەندەرى دە ونەر كورسەتىپ جاتىر, - دەپ حابارلايدى Egemen.kz.
اقش-تىڭ نيۋ-يورك قالاسىندا جالاۋى جەلبىرەگەن WTA دوداسى جەرلەستەرىمىز ءۇشىن ءساتسىز اياقتالدى. ەلىمىزدىڭ ءبىرىنشى راكەتكاسى ەلەنا رىباكينا تۇساۋكەسەر كەزدەسۋىندە ويدا-جوقتا 25 جاستاعى رەسەيلىك ەكاتەرينا الەكساندروۆاعا ەسە جىبەردى – 5:7, 6:7.
يۋليا پۋتينتسەۆا العاشقى اينالىمدا قىتايلىق چجان شۋايعا شاڭ قاپتىردى – 6:4, 6:3. كەلەسى كەزەڭدە ونىڭ جولى جوعارىدا ەسىمى اتالعان رەسەي تەننيسشىسىمەن قيىستى. بۇل باسەكەدە دە الەكساندروۆانىڭ اسىعى الشىسىنان ءتۇستى – 7:5, 7:6.
نيۋ-يوركتەگى ءتۋرنيردىڭ ەرلەر سايىسىندا الەكساندر بۋبليك كارەن حاچانوۆتىڭ وسال تۇسىن تابا المادى – 4:6, 4:6.
ال پراگادا ءوتىپ جاتقان جارىستا دميتري پوپكو ءۇشىنشى كەزەڭگە شىقتى. كەشە ول نەمىس ويىنشىسى وسكار وتتەدەن 7:5, 6:3 ەسەبىمەن باسىم ءتۇستى. ەندى وتانداسىمىز گەرمانيالىق ياننيك مادەن مەن چەحيالىق ميحاەل ۆربەنسكي اراسىنداعى كەزدەسۋدىڭ جەڭىمپازىمەن شەبەرلىك بايقاسادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.