تالعات ماماەۆ قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسىم بويىنشا جامبىل وبلىسى اكىمىنىڭ ورىنباسارى بولىپ تاعايىندالدى. ول ەكونوميكا جانە قارجى سالالارى بويىنشا جەتەكشىلىك ەتەتىن بولادى, - دەپ حابارلايدى Egemen.kz. وبلىس اكىمىنىڭ ءباسپاسوز قىزمەتىنە سىلتەمە جاساپ.
ماماەۆ تالعات شاري ۇلى 1977 جىلى جامبىل وبلىسىندا تۋعان, ءبىلىمى جوعارى.
1998 جىلى م.ح.دۋلاتي اتىنداعى تاراز مەملەكەتتىك ۋنيۆەرسيتەتىن «حالىقارالىق ەكونوميكالىق قاتىناستار» ماماندىعى بويىنشا تامامداعان.
ەڭبەك جولىن 2000 جىلى جامبىل اۋدانى بويىنشا سالىق كوميتەتىنىڭ مامانى رەتىندە باستاعان.
2003-2006 جىلدارى جامبىل وبلىسى بويىنشا سالىق كوميتەتىنىڭ ءبولىم باستىعى, باسقارما باستىعى, توراعا ورىنباسارى, 2006-2008 جىلدارى قازاقتان رەسپۋبليكاسى قارجى مينيسترلىگى سالىق كوميتەتىنىڭ اكىمشىلەندىرۋ جانە ءىرى سالىق تولەۋشىلەردى مونيتورينگىلەۋ باسقارماسىنىڭ باسشىسى, 2008-2012 جىلدارى شىعىس قازاقستان وبلىسى بويىنشا سالىق دەپارتامەنتىنىڭ باستىعى, 2012-2014 جىلدارى قاراعاندى وبلىسى بويىنشا سالىق دەپارتامەنتىنىڭ باسشىسى, 2014-2017 جىلدارى اقتوبە وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى, 2017-2019 جىلدارى قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ دەپارتامەنت ديرەكتورى قىزمەتتەرىن اتقارعان.
2019 جىلدىڭ مامىر ايىنان باستاپ قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتى توراعاسىنىڭ ورىنباسارى بولىپ ەڭبەك ەتتى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.