مەملەكەت باسشىسى قاسىم-جومارت توقاەۆتىڭ قازاقستان حالقىنا ارناعان جىل سايىنعى ءداستۇرلى جولداۋى 1 قىركۇيەكتە وتەدى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook پاراقشاسىندا جازدى, - دەپ حابارلايدى Egemen.kz.
"مەملەكەت باسشىسىنىڭ قازاقستان حالقىنا ارناعان جىل سايىنعى ءداستۇرلى جولداۋى 2020 جىلدىڭ 1 قىركۇيەك كۇنى وتەتىن پارلامەنتتىڭ كەزەكتى سەسسياسىنىڭ اشىلۋىندا جاريالانادى دەپ جوسپارلانىپ وتىر. پارلامەنتتىڭ قوس پالاتاسىنىڭ بىرلەسكەن وتىرىسىندا پرەزيدەنت قاسىم-جومارت توقاەۆ ەلىمىزدىڭ داعدارىستان كەيىنگى كەزەڭدەگى نەگىزگى دامۋ ماقساتتارى جايىندا ايتادى. جولداۋدىڭ باسىم بولىگى ەكونوميكالىق جانە الەۋمەتتىك ماسەلەلەرگە ارنالادى", - دەپ جازدى بەرىك ءۋالي.