اسقار مامين ەكونوميكا سالالارىن قولداۋ شارالارىن ساپالى ىسكە اسىرۋ كەرەكتىگىن ايتتى

"قازىرگى ۋاقىتتا الەمدىك ەكونوميكاداعى جاعداي كۇردەلى, بۇل ءبىزدىڭ ەكونوميكاعا دا اسەرىن تيگىزۋدە. حالىقارالىق قارجى ينستيتۋتتارى كوروناۆيرۋس ىندەتىنە قارسى شەكتەۋ شارالارىنا بايلانىستى ورىن العان جاھاندىق رەتسەسسيا مەن ىسكەرلىك بەلسەندىلىكتىڭ تومەندىگىن اتاپ وتۋدە. وعان قاراماستان, Fitch رەيتينگتىك اگەنتتىگىنىڭ تامىزداعى دەرەكتەرىنە سايكەس, قازاقستاننىڭ ينۆەستيتسيالىق سەنىمدىلىگى ۆۆۆ – تۇراقتى دەڭگەيىندە راستالدى. سونىمەن بىرگە, بۇل رەيتينگ مەملەكەتتەردىڭ 60 پايىزىندا تومەندەپ وتىر. بۇل ۇكىمەت جانە ۇلتتىق بانكتىڭ داعدارىسقا قارسى شارالاردىڭ ۋاقىتىندا قابىلداپ, ناقتى جۇرگىزگەن جۇمىستىڭ ناتيجەسى بولىپ تابىلادى", دەدى اسقار مامين.

ۇكىمەت باسشىسىنىڭ سوزىنشە, بۇل ەكونوميكانىڭ تۇراقتىلىعىن, مەملەكەتتىك قارىزدىڭ تومەندىگىن, اقشا-كرەديت ساياساتىنىڭ تيىمدىلىگىن جانە فيسكالدىق رەزەرۆتەردىڭ ايتارلىقتاي كولەمىن كورسەتەدى.

"2021 جىلى قازاقستاندا جالپى ىشكى ءونىمنىڭ ناقتى ءوسىمىن 2,8 دەڭگەيىندە بولجاپ وتىرمىز. قازىر ەكونوميكانىڭ سالالارىن قولداۋ جونىندەگى جوسپارلانعان شارالاردى ساپالى ىسكە اسىرۋىمىز كەرەك, قارقىندى تومەندەتپەي, ۇيلەسىمدى جانە جەدەل شەشىمدەر قابىلداۋىمىز كەرەك. قازىرگى جاعدايدى ەسكەرە وتىرىپ, ۇكىمەت العا قويىلعان ماقساتتارعا قول جەتكىزۋ ءۇشىن بيۋدجەتىنىڭ جوباسىن ازىرلەدى. رەسپۋبليكالىق بيۋدجەتتىڭ كوزدەلگەن قاراجاتى مەملەكەتتىڭ بارلىق الەۋمەتتىك مىندەتتەمەلەرىن تولىق كولەمدە ورىنداۋعا مۇمكىندىك بەرەدى. جالپى, ايتىلعان تاسىلدەردى ماقۇلداۋدى جانە اتالعان زاڭ جوبالارى مەن جارلىقتىڭ جوباسىنا داۋىس بەرۋدى ۇسىنامىن", دەدى پرەمەر-مينيستر.

وسىدان كەيىن مينيسترلەر كابينەتىنىڭ مۇشەلەرى اتالعان قۇجاتتارعا ءبىراۋىزدان قولداپ داۋىس بەردى.

"ۇلتتىق ەكونوميكا, قارجى مينيسترلىكتەرى پرەمەر-مينيستر كەڭسەسىمەن بىرلەسىپ, اتالعان زاڭ جوبالارىن جانە الەۋمەتتىك-ەكونوميكالىق دامۋ بولجامىن بەلگىلەنگەن مەرزىمدە پارلامەنتكە ەنگىزۋدى قامتاماسىز ەتسىن", - دەدى ۇكىمەت باسشىسى.