دۇنيەجۇزىلىك دەنساۋلىق ساقتاۋ ۇيىمى (ددسۇ) 12 جاستان اسقان بالالار مەن ەرەسەكتەر مىندەتتى تۇردە ماسكا تاعىپ ءجۇرۋى كەرەك ەكەندىگىن جاريالادى, دەپ حابارلايدى Egemen.kz قازاقپاراتقا سىلتەمە جاساپ.
دۇنيەجۇزىلىك ۇيىم جەتكىنشەكتەردە دە ۆيرۋستى جۇقتىرۋ جانە تاراتۋ ىقتيمالدىعى جوعارى ەكەندىگىن ەسكەرتەدى.
دجون حوپكينس ۋنيۆەرسيتەتىنىڭ دەرەگىنشە, قازىرگى كەزدە الەمدە كوروناۆيرۋس جۇقتىرعاندار 23 ملن ادامنان اسقان. ولاردىڭ كوپشىلىگى اقش, برازيليا, ءۇندىستاندا تىركەلگەن. الايدا وڭتۇستىك كورەيا, ەۋروپا ەلدەرى جانە ليۆان سياقتى باسقا ەلدەردە دە قاۋىپتى ۆيرۋستى جۇقتىرعان ادامدار سانى كوبەيگەن.
دۇنيەجۇزىلىك دەنساۋلىق ساقتاۋ ۇيىمىنىڭ ماسكا تاعىپ جۇرۋگە قاتىستى كەڭەستەرىمەن مىنا جەردەن تانىسۋعا بولادى.
ەسكە سالا كەتسەك, 30 شىلدەدەن باستاپ قازاقستاندىقتار كوشەدە ماسكا تاعىپ جۇرۋگە مىندەتتەلدى. بۇل تۋرالى ەلدىڭ باس سانيتارلىق مەملەكەتتىك دارىگەرى ايجان ەسماعامبەتوۆانىڭ قاۋلىسىندا ايتىلعان.
كەيىننەن دەنساۋلىق ساقتاۋ ءمينيسترى الەكسەي تسوي بۇل ەرەجە تەك ەرەسەكتەرگە عانا ەمەس, بالالارعا دا قاتىستى ەكەنىن ءتۇسىندىردى.
سونىمەن قاتار, ول جەكە قورعانىس قۇرالدارىن بارلىق قوعامدىق ورىنداردا, سونىڭ ىشىندە ءدامحانالارجا, سپورتپەن شۇعىلدانۋ كەزىندە جانە باسقالارىندا كيۋ كەرەك ەكەنىن ايتقان بولاتىن. سونداي-اق ءمينيستردىڭ بۇيرىعىمەن ەلىمىزدە 5 جاسقا دەيىنگى بالالارعا ماسكا تاقپاي جۇرۋگە رۇقسات بەرىلدى.