ءبىلىم جانە عىلىم ءمينيسترى اسحات ايماعامبەتوۆ بيىل جاڭا وقۋ جىلىنان باستاپ مەكتەپ وقۋشىلارىنا ەكولوگيا ساعاتى وتەتىنىن ايتتى, - دەپ حابارلايدى Egemen.kz.
"مەملەكەت باسشىسى قاسىم-جومارت توقاەۆ بالالارعا ەكولوگيالىق ءبىلىم بەرۋ جانە تاربيەلەۋ بويىنشا تاپسىرما جۇكتەگەن بولاتىن. ساراپشىلارمەن بىرلەسىپ, ەكولوگيالىق ءبىلىم بەرۋ جانە تاربيە بويىنشا تولىققاندى تۇجىرىمداما دايىندايمىز. سالالىق مينيسترلىكپەن بىرلەسىپ, ساراپشىلارمەن بىرنەشە كەزدەسۋ وتكىزىپ, تالقىلادىق. وسى جىلدان باستاپ بىرىڭعاي باعدارلاما بويىنشا ەكولوگياعا قاتىستى سىنىپ ساعاتتارى باستالادى جانە مەكتەپ باعدارلاماسىنا ەكولوگيالىق ءبىلىم بەرۋ ماسەلەسى ىقپالداستىرىلاتىن بولادى», - دەدى ا.ايماعامبەتوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.