ەكولوگيا, گەولوگيا جانە تابيعي رەسۋرستار مينيسترلىگى تۇرعىنداردىڭ شاعىمى بويىنشا اقمولا وبلىسى ستەپنوگور قالاسىنىڭ ىرگەسىندەگى بەستوبە جانە اقسۋ كەنىشتەرىندە التىن وندىرۋمەن اينالىساتىن كومپانيالار توبىن تەكسەرىپ, بىرقاتار زاڭبۇزۋشىلىقتى انىقتادى.
بۇعان دەيىن اۋىل تۇرعىندارى لاس اۋامەن تىنىستاپ, شاڭنىڭ ورتاسىندا قالىپ وتىرعانىن ايتىپ, بەستوبە جانە اقسۋ كەنىشتەرىنىڭ جۇمىسىنا شاعىمدانعان بولاتىن. تەكسەرۋ بارىسىندا جەلدى كۇندەرى بەستوبە, اقسۋ جانە زاۆودسكوە اۋىلدارىن شىنىمەن دە شاڭ باساتىنى راستالدى. سونداي-اق اۋىل ىرگەسىندە مەملەكەتتىك ەكولوگيالىق قورىتىندىسىز قالدىقتاردى ساقتاۋ ورنىنىڭ جانە فابريكا قۇرىلىسىنىڭ باستالعانى انىقتالدى. تۇرعىنداردىڭ سوزىنشە, «التىن الماس» كومپانيالار توبىنا قاراستى «اqsu technology» كومپانياسى بۇل ەكى نىساندى تۇرعىنداردىڭ كەلىسىمىنسىز سالىپ العان. ال التىن ءوندىرۋشى كومپانيا وكىلدەرى مۇنداي قادامعا قالدىقتاردى ساقتايتىن ورىن قالماعاندىقتان بارعاندارىن ايتۋدا. قازىر مينيسترلىك وكىلدەرى قۇرىلىس جۇمىستارىن توقتاتىپ, كاسىپورىندى جاۋاپكەرشىلىككە تارتتى.
ەكولوگيالىق رەتتەۋ جانە قاداعالاۋ كوميتەتىنىڭ وكىلدەرى كومپانيا باسشىلارىنا شۇعىل ارادا قوعامدىق تىڭداۋ وتكىزىپ, حالىقتىڭ كەلىسىمىن الۋدى تالاپ ەتتى. ەگەر جەرگىلىكتى تۇرعىندار كەنىشتىڭ جۇمىس ىستەۋىنە كەلىسىمىن بەرمەسە, مەملەكەتتىك ەكولوگيالىق قورىتىندىنىڭ وڭ ناتيجەسى بەرىلمەيتىنىن ەسكەرتتى. ەكولوگيالىق رەتتەۋ جانە قاداعالاۋ كوميتەتىنىڭ توراعاسى زۇلفىحار جولداسوۆ «كومپانيا قايتادان قوعامدىق تىڭداۋ وتكىزىپ, حالىقتىڭ كەلىسىمىن الىپ, ءتيىستى قۇجاتتارىن زاڭداستىرعاندا عانا قۇرىلىسىن جالعاستىرا الادى», دەپ مالىمدەدى. ءوز كەزەگىندە التىن ءوندىرۋشى كومپانيا وكىلدەرى حالىقتىڭ الدىنداعى الەۋمەتتىك جاۋاپكەرشىلىكتەرىن ورىنداپ, ەسكى قالدىقتاردى ساقتاۋ ورىندارىن رەكۋلتيۆاتسيالاۋعا جانە ءبىرىنشى كەزەكتە وسى اۋىلدىڭ تۇرعىندارىن جۇمىسقا قابىلداۋعا ءازىر ەكەندىكتەرىن مالىمدەپ وتىر.