تسيفرلاندىرۋدىڭ جەمىسى مەن جەتىستىگىن ەل پرەزيدەنتى قاسىم-جومارت توقاەۆتىڭ باستاماسىمەن قولعا الىنعان پرەزيدەنتتىك جاستار كادر رەزەرۆىنە قاتىسۋ كەزىندە سەزىندىم. كادرلىق رەزەرۆكە ىرىكتەۋ كەزىندە بارلىق ۇمىتكەر قۇجاتتى ونلاين تاپسىردى. سوڭعى كەزەڭگە دەيىن كوميسسيا مۇشەلەرىمەن جەكە كەزدەسۋ بولعان جوق. بايقاۋعا قابىلداۋ, ءار كەزەڭنىڭ تاپسىرمالارىن ورىنداۋ بارىسىندا تەك وزىق تەحنولوگيانى قولداندىق. كومپيۋتەردىڭ الدىندا وتىردىق, كامەرا قوسۋلى بولدى. پروتسەسس وتە قاتال بولدى دەۋگە دە بولادى.
وسىلايشا ىرىكتەلگەن 300 جاس ءار كەزەڭنىڭ اشىقتىعىن, ادالدىعىن ءوز كوزىمەن كوردى. جوبانىڭ ءادىل وتكەنىنە كۇمان كەلتىرمەيمىن. وسىلايشا سوڭعى تەحنولوگيانى ءتۇرلى سالاعا ەنگىزۋ ارقىلى ادامي فاكتوردى جويىپ, جەمقورلىقپەن ءتيىمدى كۇرەس جۇرگىزۋگە بولار ەدى.
الايدا تسيفرلاندىرۋدى جۇزەگە اسىرۋدى جۇيەلى جۇرگىزۋ كەرەگىن دە ەسكەرۋ قاجەت. سەبەبى ولپى-سولپى جاسالعان دۇنيە ودان سايىن قيىندىققا الىپ كەلۋى مۇمكىن. مەن وسىعان الاڭدايمىن. سوندىقتان ەل پرەزيدەنتى كۇنى كەشە سىبايلاس جەمقورلىققا قارسى كۇرەس ماسەلەلەرى جونىندەگى كەڭەستە اتاپ وتكەندەي, دەرەكتەر قورىن ودان ءəرى ينتەگراتسيالاۋ جəنە مەملەكەتتىك قىزمەتتەردى تسيفرلاندىرۋدى جەدەلدەتۋگە باسا مəن بەرۋ قاجەت.
داۋلەت كارىبەك,
نۇر-سۇلتان قالاسى اكىمدىگى جاستار ساياساتى ماسەلەلەرى باسقارماسىنىڭ باسشىسى