گەنەتيكالىق قارۋ ءالى دە شىعارىلۋى مۇمكىن

گەنەتيكالىق قارۋ ءالى دە شىعارىلىپ جاتۋى مۇمكىن. بۇل تۋرالىParanormal-news.ru حابارلادى.

گەنەتيكالىق قارۋ بەلگىلى ءبىر ءناسىلدى ماقساتتى تۇردە جويىپ جىبەرە الادى.

قىتاي حالقى 2002 جىلى جاپپاي وكپە قابىنۋىنا (پنەۆمونيا) ۇشىراعان بولاتىن. مىڭداعان ادام جوتەلىپ, قالتىراپ جانە دەنە قىزۋى كوتەرىلىپ سىرقاتتاندى.ناۋقاستاردىڭ بارلىعىنا – وكپە قابىنۋى دەگەن دياگنوز قويىلدى. الايدا, ولارعا ەشبىر ءدارى كومەكتەسپەدى. ناتيجەسىندە اۋىر ىندەتتەن ءبىراز ادام كوز جۇمدى.

ءبىر ايدان سوڭ, تۇسىنىكسىز جۇقپالى اۋرۋ جەر بەتىنە تارالىپ , ادامدار بەلگىسىز جاڭا ۆيرۋستان جاپا شەگىپ جاتتى.

قىتاي عالىمدارى تىڭعىلىقتى زەرتتەۋ جۇرگىزە كەلە, مىناداي دەرەكتەردى ۇسىندى. «اۋرۋعا شالدىققانداردىڭ شامامەن 100 پايىزى ەتنيكالىق قىتايلار. ىندەتتەن كوز جۇمعان 813 ادامنىڭ ىشىنەن 770-ءى قىتاي ازاماتتارى. بۇل دەرەكتەر بىرەۋدىڭ قىتايلارعا باعىتتالعان جاڭا گەنەتيكالىق قارۋدى قولدانعانىن اڭعارتادى», – دەيدى اسپان استى ەلىنىڭ عالىمدارى.

گەنەتيكالىق قارۋ جونىندە العاش رەت وتكەن عاسىردىڭ 80-ءشى جىلدارىندا اشىق ايتىلا باستادى. ءتىپتى, وڭتۇستىك افريكا رەسپۋبليكاسىندا رەسمي تۇردە قارا ءناسىلدى ادامدارعا ارنالعان گەنەتيكالىق قارۋ سىناقتان وتكىزىلىپ جاتتى. دەرەكتەرگە بايلانىستى, زەرتحانالاردا قارا ءناسىلدى ادامدارعا جۇقپالى قوسپانى جۇگەرى مەن سىراعا قوسىپ بەرىپ وتىرعان كورىنەدى.

كوپ ۇزاماي سىناقتاردى توقتاتۋعا تۋرا كەلدى. سەبەبى, ونىڭ قاۋپى كۇشەيە ءتۇستى. الەمدە تازا ەتنيكالىق ناسىلدەر مەن ۇلتتاردىڭ از بولۋىنا بايلانىستى, جاڭا قارۋدىڭ باقىلاۋدان شىعىپ كەتىپ, بۇكىل ادامزاتقا زيان كەلتىرۋ قاۋپى تۋىندادى.

الايدا, كوپتەگەن مامانداردىڭ ويىنشا, گەنەتيكالىق قارۋ ءالى كۇنگە دەيىن قۇپيا تۇردە جاسالىپ شىعارىلۋدا.

ايدار ورىسباەۆ.