فرانتسيا مەن گەرمانيا ۇستانىمى بويىنشا دۇنيەجۇزىلىك دەنساۋلىق ساقتاۋ ۇيىمىن قارجىلاندىرۋدى جارنا ەسەبىنەن ۇلعايتۋدى ءجون كورەدى. بۇل تۋرالى Reuters اقپاراتىنا سۇيەنە وتىرىپ Egemen.kz حابارلايدى.
كارى قۇرلىقتاعى گەرمانيا مەن فرانتسيا بيلىگى ددۇ-نا مۇشە ەلدەردىڭ جارنا تولەۋىمەن ونىڭ قارجىلىق مىعىمدىعىن نىعايتۋ كەرەك دەپ ەسەپتەيدى. "پاندەميا باستالماس بۇرىن ددۇ-نىڭ قارجىلىق مۇمكىندىگىنىڭ كەڭ ادىم اشتىرمايتىنى بەلگىلى بولعان ەدى" دەگەن ەكى ەل بيلىگى, بۇل ويدى ددۇ-نى رەفورمالاۋ تۋراسىندا ديپلوماتتار اراسىندا تاراتقان قۇجاتتا كورسەتكەن. جەتى بەتتەن تۇراتىن ددۇ-نى رەفورمالاۋ تۋراسىنداعى قۇجاتتا ۇيىمنىڭ وكىلەتتىلىگىن كەڭەيتۋمەن قاتار قارجىلىق قولداۋ قاجەتتىگى باسا ايتىلىپتى.
بۇگىندە ددۇ-نىڭ ەكى جىلدىق جالپى بيۋدجەتى 5 ملرد قۇرايدى, ال ونىڭ بەسىنشى بولىگىن وعان مۇشە-ەلدەر ەشقانداي شارتسىز تۇردە جارنا ەسەبىندە اۋدارىپ كەلەدى. ال قالعان بولىگى تۇراقتى ەمەس, نەگىزىنەن ماقساتتى تۇردە, ءبىر رەتتىك نەمەسە مەملەكەتتەر ەرىكتى جاعدايدا تولەپ تۇراتىن قاراجاتتان قۇرالادى. بۇل ددۇ جۇمىسىن وركەندەتۋگە قولبايلاۋ, سوندىقتان تۇراقتى جارنا قاجەت دەگەن پىكىر ايتىلعان.
قۇجات اۆتورلارى COVID-19 ءتارىزدى الەمگە قاۋىپ توندىرەتىن اۋرۋلاردىڭ الدىن الۋ, وشاقتارىن انىقتاۋ, جانە ولارمەن كۇرەستە قازىرگىدەن كوبىرەك قاراجات كەرەكتىگىن كورىپ وتىرعانىن ايتىپ, بۇل ويدى "ۆاشينگتون مەن بەيجىڭگە دەيىن قولداۋ قاجەتتىگىن", ونىڭ ادامزات يگىلىگىنە جۇمىس ىستەيتىنىن كورسەتكەن.
Reuters مالىمەتىنە سەنسەك ددۇ-نى رەفورمالاۋ جايىنداعى اڭگىمە قىركۇيەك ايىنىڭ وزىندە كوتەرىلۋى مۇمكىن ەكەن.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.