كەشە استانادا وتكەن ورتالىق ازيا ايماقتىق ەكونوميكالىق ىنتىماقتاستىق باعدارلاماسىنىڭ 12-ءشى مينيسترلەر كونفەرەنتسياسىنا قازاقستان پرەمەر-ءمينيسترى سەرىك احمەتوۆ قاتىستى.
كەشە استانادا وتكەن ورتالىق ازيا ايماقتىق ەكونوميكالىق ىنتىماقتاستىق باعدارلاماسىنىڭ 12-ءشى مينيسترلەر كونفەرەنتسياسىنا قازاقستان پرەمەر-ءمينيسترى سەرىك احمەتوۆ قاتىستى.
جىل سايىنعى مۇنداي مينيسترلەر كونفەرەنتسياسى ورتالىق ازيا ايماقتىق ەكونوميكالىق ىنتىماقتاستىعىنىڭ ساياساتى مەن ونىڭ باعدارلاماسىنىڭ ستراتەگيالىق باعىتتارىن ايقىندايدى. ال باعدارلاما جالپى ينفراقۇرىلىمدار بويىنشا ايماقتىق جوبالاردى قارجىلاندىرۋعا, ارالىق قىزمەتتى دامىتۋدىڭ نەگىزگى مىندەتتەرىن شەشۋگە ارنالعان.
نەگىزىنەن ورتالىق ازياايماقتىق ەكونوميكالىق ىنتىماقتاستىعى باعدارلاماسى ازەربايجان, اۋعانستان, قازاقستان, قىتاي, قىرعىزستان, موڭعوليا, تاجىكستان, وزبەكستان, تۇركىمەنستان, پاكستان سياقتى 10 مەملەكەتتىڭ جانە ازيا دامۋ بانكى, ەۋروپا قايتا قۇرۋ جانە دامۋ بانكى, دۇنيەجۇزىلىك بانك, حالىقارالىق ۆاليۋتا قورى, يسلام دامۋ بانكى, بۇۇ دامۋ باعدارلاماسى سياقتى 6 كوپجاقتى ينستيتۋتتاردىڭ ارىپتەستىگى بولىپ تابىلادى. ال اتالمىش باعدارلاماعا بيىل ءبىزدىڭ ەل توراعالىق ەتىپ وتىر.
وسىنداي بەدەلدى ۇيىمنىڭ استانادا وتكەن القالى جيىنىنا قازاقستان ۇكىمەتىنىڭ باسشىسى س.احمەتوۆ ارنايى قاتىسىپ, اشىلۋىندا ءسوز سويلەدى.
ءسوزىن فورۋمعا قاتىسۋشىلارعا ارناعان ۇكىمەت باسشىسى ستراتەگيا مەن ساۋدا, ساۋدا-ساتتىق ساياساتى جانە ەنەرگەتيكا سالاسىنداعى ءتۇيىندى تۇستاردى شەشۋ جولدارىنا باعىتتالعان ورتالىق ازيا ايماقتىق ەكونوميكالىق ىنتىماقتاستىعى باعدارلاماسىنىڭ ماڭىزدىلىعىنا توقتالدى. سونداي-اق, ول قازاقستاننىڭ ورتالىق ازيا وڭiرiندەگi ەكونوميكاسى قارقىندى تۇردە دامىپ كەلە جاتقان ەلدەردiڭ بiرi ەكەندiگiن اتاپ ءوتتi.
الەمدىك ەكونوميكاداعى جانە سىرتقى جاعدايلارداعى قولايسىزدىققا قاراماستان, بيىلعى جىلى قازاقستان ەكونوميكاسىنىڭ ايتارلىقتاي تۇراقتى ءوسىمى بايقالىپ وتىرعاندىعىنا توقتالعان س.احمەتوۆ, اعىمداعى جىلدىڭ 9 ايىندا قازاقستاننىڭ ىشكى جالپى ءونىمى 5,7 پايىزعا وسكەنىن تىلگە تيەك ەتتى.
مەملەكەتتىڭ حالىقارالىق رەزەرۆتەرى 90 ملرد. اقش دوللارىنان اسىپ ءتۇستى. ءبىز قولايلى ينۆەستيتسيالىق جاعدايدى قۇرۋ ءۇشىن بارلىق كۇش-جىگەردى سالىپ وتىرمىز, دەدى ۇكىمەت باسشىسى.
وسى ورايدا پرەمەر-مينيستر سوڭعى جەتى جىلدا قازاقستان ەكونوميكاسىنا 155 ملرد. دوللاردان استام شەتەلدىك تىكەلەي ينۆەستيتسيالار تارتىلعاندىعىن ايتىپ ءوتتى. سونىمەن قاتار, س.احمەتوۆ قازاقستاننىڭ ورتالىق ازيا ايماقتىق ەكونوميكالىق ىنتىماقتاستىعى باعدارلاماسىنا قاتىسۋشى رەتىندە ينتەگراتسيانىڭ قاجەتتىلىگىنە كوز جەتكىزگەنىن, سوندىقتان تاۋارلار, قىزمەتتەر جانە جۇمىس كۇشتەرىنىڭ ەركىن قيمىلىن قامتاماسىز ەتۋ قاعيدالارىنا نەگىزدەلگەن ءبىرتۇتاس ەكونوميكالىق كەڭىستىكتى قالىپتاستىرۋ ۇردىسىنە بەلسەندى تۇردە قاتىساتىنىن اتاپ كورسەتتى.
قازاقستان كەدەن وداعى مەن ءبىرتۇتاس ەكونوميكالىق كەڭىستىككە مۇشە ەلدەرمەن بىرلەسىپ, باسقا ەلدەردەگى ساۋدا ارىپتەستەرىمەن ىنتىماقتاستىقتى كەڭەيتۋگە, ءوزارا ينۆەستيتسيالار كولەمىن ۇلعايتۋ جانە بەك ورتاق رىنوگىندا قالىپتاسقان الەۋەتتى پايدالانۋعا مۇددەلى, دەدى س.احمەتوۆ.
پرەمەر-مينيستر سونداي-اق, ورتالىق ازيا ايماقتىق ەكونوميكالىق ىنتىماقتاستىعى حاتشىلىعى – ازيا دامۋ بانكىنىڭ قازاقستان ەكونوميكاسىن جاڭعىرتۋداعى ايرىقشا ءرولىن جوعارى باعالادى.
ازيا دامۋ بانكى قازاقستاندا جۇمىسىن باستاعاننان بەرى ەكونوميكامىزعا 2 ملرد.-تان استام اقش دوللارى كولەمىندە قارجى قۇيدى. ءبىزدىڭ ارىپتەستىگىمىزدىڭ اياسىنداعى «باتىس ەۋروپا–باتىس قىتاي» سىندى كەڭ اۋقىمدى جوبانى ايرىقشا اتاپ وتۋگە بولادى. بۇل حالىقارالىق ترانزيتتىك ءدالىز ورتالىق ازيا ايماعىنداعى نەگىزگى جۇك تاسىمالى مارشرۋتى بولادى, دەدى ول.
پرەمەر-ءمينيستردىڭ ايتۋىنشا, قازىرگى تاڭدا قازاقستان مەن ازيا دامۋ بانكى ىنتىماقتاستىعى جاڭا دەڭگەيگە كوتەرىلۋدە. ءبىر ايتا كەتەرلىگى, قازاقستان قايتارىمسىز تەحنيكالىق كومەك الۋشىدان بۇگىندە دامۋشى ەلدەرگە كومەك كورسەتۋ بويىنشا ازيا دامۋ بانكىنە ارىپتەس مارتەبەسىنە كوشۋدى جوسپارلاپ وتىر.
س.احمەتوۆ ءسوزىنىڭ قورىتىندىسىندا ورتالىق ازيا ايماقتىق ەكونوميكالىق ىنتىماقتاستىعى باعدارلاماسى 12-ءشى مينيسترلەر كونفەرەنتسياسى ازيا دامۋ بانكىنىڭ ءرولىن ارتتىرۋعا, حالىقارالىق قارجى ينستيتۋتتارىن نىعايتۋعا جانە ورتالىق ازيا ايماقتىق ەكونوميكالىق ىنتىماقتاستىعىن دامىتۋعا لايىقتى ۇلەس قوساتىنىنا سەنىم ءبىلدىردى.
دينارا بىتىكوۆا,
«ەگەمەن قازاقستان».