ءار عاسىرلاردا ۇلى دالادا بيلىك جۇرگىزگەن حانداردىڭ جۇبايلارى مەن قىزدارى, سونداي-اق بيلىك تىزگىنىن قولدارىنا العان پاتشايىمدار مەن حانشايىمدار تۋرالى «ۆلاستيتەلنيتسى ەۆرازي» جوباسى قولعا الىنىپ, دەرەكتى فيلم تۇسىرىلەدى, – دەپ حابارلايدى ۇلتتىق كينونى قولداۋ مەملەكەتتىك ورتالىعىنىڭ ءباسپاسوز قىزمەتى.
يدەيانى ۇكقمو جانىنداعى ساراپتامالىق كەڭەس پەن ۆەدومستۆوارالىق كوميسسيا قولداعان. ءفيلمدى ءتۇسىرۋدى قويۋشى-رەجيسسەر الەكسەي كامەنسكي قولعا الماق. «ستۋديا مەرگەن» كومپانياسىمەن بىرگە.
كارتينا اۆتورلارى ءبىزدىڭ تۇرىكتىڭ جاۋىنگەر قىزى زارينا, پالميرا پاتشايىمى زەنوبيا, سۇلتان حانىم روكسولانا, قىتاي يمپەراتور حانىمى ۋ تسزەتيان, دەلي سۇلتاناتىنداعى رازييا-حاتۋن نەمەسە ەگيپەتتەگى شادجاررات اد-دۋرر سىندى ايگىلى شىعىس بيلەۋشى ايەلدەرى جايلى بىلەرىمىز از ەكەندىگىنە سەنىمدى. ولار سول داۋىرلەردەگى ەۋروپالىق سالتقا قاراعاندا تۇركى-موڭعول قوعامىنداعى ايەلدەردىڭ قۇقىعى الدەقايدا كەڭىرەك بولعانىن كورسەتكىسى كەلەدى. حانداردىڭ جۇبايلارى مەنشىكتى م ۇلىككە يەلىك ەتكەن, بيلەۋشى تاراپتىڭ ايەل وكىلدەرى زاڭدى نەگىزدە قۇرىلتايلارعا قاتىسقان, كەيدە ماڭىزدى مەملەكەتتىك شەشىمدەردى ءوز بەتىنشە قابىلداعان. بيلەۋشىلەردىڭ جۇبايلارى جانە قىزدارىنىڭ ءىرى قوجالىقتارى مەن اسكەرلەرى بولعان, ولار قايىرىمدىلىقپەن اينالىسقان جانە ونەرگە قامقورشىلىق جاساعان.
ورتالىقتىڭ ءباسپاسوز قىزمەتىنىڭ حابارلاۋىنشا, ەۋرازيا بيلەۋشى ايەلدەرىنىڭ ءومىرى جايلى ەڭ قىزىقتى فاكتىلەردى اڭگىمەلەپ بەرەتىن عالىمدار مەن ساراپشىلاردىڭ ءتىزىمى كەلىسىلىپ قويعان. ولار قازاقستان, رەسەي جانە ۆەنگريا ماماندارى. تۇسىرىلىمدەر سامارقاندا, قازاندا, سانكت-پەتەربۋرگتە, ورالدا جانە ۆەنگريا اۋماعىندا, سونداي-اق نۇر-سۇلتاندا, الماتى جانە الماتى وبلىسىندا جۇزەگە اسپاق.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.