پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا جۇمىسپەن قامتۋدى قولداۋ شارالارىن ىسكە اسىرۋ بارىسى قارالدى, - دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ, شىعىس قازاقستان وبلىسىنىڭ اكىمى د. احمەتوۆ, جامبىل وبلىسىنىڭ اكىمى ب. ساپارباەۆ, شىمكەنت قالاسىنىڭ اكىمى م. ايتەنوۆ, سولتۇستىك قازاقستان وبلىسىنىڭ اكىمى ق. اقساقالوۆ, باتىس قازاقستان وبلىسىنىڭ اكىمى ع. ەسقاليەۆ بايانداما جاسادى. بيىل «ەڭبەك» مەملەكەتتىك باعدارلاماسىنىڭ, جۇمىسپەن قامتۋدىڭ جول كارتاسىنىڭ جانە باسقا دا سالالىق باعدارلامالار اياسىندا جۇمىسپەن قامتۋ شارالارى 743 مىڭ ادامدى قامتىدى. جىلدىڭ سوڭىنا دەيىن 1 ملن 220 مىڭ ادامعا قولداۋ كورسەتىلەدى.
مەملەكەت باسشىسىنىڭ تاپسىرماسىمەن جۇمىسپەن قامتۋدىڭ جول كارتاسى اياسىندا تۇراقتى جۇمىس ورىندارىن قۇرۋعا جانە وڭىرلەردىڭ الەۋمەتتىك ينفراقۇرىلىمىن جاقسارتۋعا باسا نازار اۋدارىلىپ, ينفراقۇرىلىمدىق جوبالاردىڭ تىزبەسى وڭتايلاندىرىلدى. وسى جوبالار (6 702 جوبا) اياقتالعان سوڭ, ارالاس سالالاردا قوسىمشا 100 مىڭنان استام تۇراقتى جۇمىس ورىندارى قۇرىلادى. پرەمەر-مينيستر شىمكەنت قالاسىندا, جامبىل, سولتۇستىك قازاقستان جانە شىعىس قازاقستان وبلىستارىندا جۇمىسپەن قامتۋدى قولداۋ شارالارىن ىسكە اسىرۋدىڭ جوعارى قارقىنىن اتاپ ءوتتى. ورتاشا كورسەتكىشتەر قاراعاندى, اقمولا, تۇركىستان, اقتوبە, قوستاناي, ماڭعىستاۋ, الماتى, پاۆلودار, اتىراۋ وبلىستارىندا, نۇر-Cۇلتان جانە الماتى قالالارىندا بايقالادى.
سونىمەن قاتار جەكەلەگەن كورسەتكىشتەر بويىنشا ەكى ءوڭىر ارتتا قالىپ وتىر: قىزىلوردا وبلىسىندا — مەملەكەتتىك گرانتتار بەرۋ 47,5%, قوعامدىق جۇمىس – 50,1%, جوبالارعا بولىنگەن قارجىنى يگەرۋ – 56,2% جانە جۇمىس ورىندارى قۇرۋ – 44,4%. باتىس قازاقستان وبلىسىندا — ميكروكرەديت بەرۋ بويىنشا تەك 28,6%, جاستار تاجىريبەسى – 37,7%, جوبالارعا بولىنگەن قارجىنى يگەرۋ – 58,9% جانە تۇراقتى جۇمىس ورىندارىن قۇرۋ بويىنشا 25,8% دەڭگەيىندە. «جىل سوڭىنا دەيىن ءتورت اي عانا قالدى. اكىمدىكتەر باعدارلامالاردى ىسكە اسىرۋ جۇمىستارىن جانداندىرۋى قاجەت. قازىرگى جاعدايدا ءبىرىنشى كەزەكتەگى مىندەت – بۇل ازاماتتاردى جۇمىسپەن قامتاماسىز ەتۋ. قاجەتتى رەسۋرستار بولىنگەن, بارلىق قۇرالدار بار, ەڭبەك نارىعىندا تەڭگەرىمسىزدىكتەردىڭ پايدا بولۋىنا جول بەرمەۋ كەرەك», — دەدى ا. مامين.
ۇكىمەت باسشىسى مەملەكەتتىك باعدارلامالاردا قاراستىرىلعان ءىس-شارالاردى جۇزەگە اسىرۋدى, سونداي-اق ەلەكتروندىق ەڭبەك بيرجاسىنىڭ بيزنەس-پروتسەستەرىن وڭتايلاندىرۋ, جۇمىسپەن قامتۋ شارالارىمەن پرواكتيۆتى قامتۋدى دامىتۋ جانە ولاردى ىسكە اسىرۋ مونيتورينگىن كۇشەيتۋ جونىندە شارالار قابىلداۋدى تاپسىردى. اكىمدىكتەرگە ءاربىر جۇمىسسىز ادامنىڭ پروفايلىن قۇرۋ جانە ونىمەن جۇمىسپەن قامتۋعا جاردەمدەسۋ بويىنشا اتاۋلى جۇمىس جۇرگىزۋ تاپسىرىلدى. جۇمىسپەن قامتۋدىڭ جوسپارلانعان ينديكاتورلارىنا قول جەتكىزىپ, تۇراقتى جۇمىس ورىندارىن قۇرۋعا ەرەكشە نازار اۋدارۋ قاجەت. ۇلتتىق ەكونوميكا, اۋىل شارۋاشىلىعى مينيسترلىكتەرىنە «اتامەكەن» ۇكپ جانە اكىمدىكتەرمەن بىرلەسىپ, بيزنەس باستامالاردى دامىتۋ جانە قولداۋ بويىنشا جۇمىستى جانداندىرۋ تاپسىرىلدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.