پارلامەنت سەناتىنا دەپۋتاتتار سايلاۋعا سولتۇستىكقازاقستاندىق ءماسليحات دەپۋتاتتارىنىڭ 96 پايىزى قاتىستى, دەپ حابارلايدى Egemen.kz
سايلاۋعا تۇسپەك بولعان ۇمىتكەرلەر سانى اۋەلدە بەسەۋ بولعان ەدى. بىراق ەكەۋى قۇجاتتار پاكەتىن تولىق جيناماعاندىقتان تىركەلمەدى. ال ءبىر كانديدات سايلاۋعا تۇسۋدەن ءوزى باس تارتتى. ءسويتىپ, قازىرگى سەناتور ولگا پەرەپەچيناعا قارسى دانگولە موگۋنوۆا عانا قارسى ءتۇستى.
سايلاۋ قورىتىندىسى بويىنشا قازىرگى سەناتور و.پەرەپەچيناعا ءماسليحات دەپۋتاتتارىنىڭ 87 پايىزدان ارتىعى داۋىستارىن بەرىپ, ونى قايتا سايلادى. ال ەكىنشى ۇمىتكەرگە 23 ادام داۋىس بەرىپتى. بۇل ءۇش پايىزدان ارتىق بولعاندىقتان تىركەلۋ جارناسى وعان قايتارىلادى.
وبلىستىق سايلاۋ كوميسسياسىنىڭ توراعاسى ەربولات بەكشەنوۆ ولگا پەرەپەچينانى قايتا سايلانۋىمەن قۇتتىقتادى.