شىمكەنتتە كارانتين تالاپتارىنا وزگەرىستەر ەنگىزىلدى 

– شىمكەنت قالاسىنىڭ باس مەملەكەتتىك سانيتاريالىق دارىگەرىنىڭ 2020 جىلى 12 تامىزدا №31 قاۋلىسى شىعىپ, №30 قاۋلىسىنا وزگەرىستەر مەن تولىقتىرۋلار ەنگىزىلدى. اتاپ ايتساق, ساۋدا ورتالىقتارىندا, ازىق-ت ۇلىك جانە ازىق-ت ۇلىك ەمەس دۇكەندەردە, قىزمەت كورسەتۋ سالاسىنداعى وبەكتىلەردە جانە ادامدار كوپ جينالاتىن ورىنداردا كۇندەلىكتى دەزينفەكتسيالىق ءىس-شارالار وتكىزۋ. وسى قاۋلىمەن قىزمەتى توقتاتىلعان نىسانداردى نەمەسە باسقا جۇمىس ۋاقىتىسى بەلگىلەنگەن نىسانداردى قوسپاعاندا بارلىق قىزمەت كورسەتەتىن نىسانداردىڭ (حيميالىق تازالاۋ, كىر جۋ ورىندارى, كىلەم تازالايتىن وبەكتىلەر, تەحنيكانى, كيىم, اياق كيىم جوندەۋ شەبەرحانالارى, اتەلە, گۇل, وسىمدىك تىڭايتقىشتارىن, باقشا قۇرال-سايماندارىن, قۇرىلىس زاتتارىن جانە قۇرالدارىن, راديوتاۋارلارىن ساتاتىن دۇكەندەر, كيىم جانە اياق-كيىم, دۇڭگىرشەكتەر, مەتالل قابىلدايتىن ورىندار, ماقتا ءتۇتۋ تسەحتارى, ۇيالى بايلانىس كەڭسەلەرى, بيزنەس-ورتالىقتارى, ادۆوكات, نوتاريۋس, بۋحگالتەر جانە كونسالتينگ كورسەتىلەتىن قىزمەتتەرى, جىلجىمايتىن م ۇلىك جونىندەگى اگەنتتىكتەر, جارناما اگەنتتىكتەرى, سوت ورىنداۋشىلارى جانە ت.ب.) جۇمىس كۇندەرى (دۇيسەنبى-جۇما) جۇمىس ۋاقىتى ساعات 09:00-دەن 18:00-گە دەيىن شەكتەلىپ, دەمالىس كۇندەرى (سەنبى, جەكسەنبى) جۇمىستارى توقتاتىلادى. ال اۆتوجۋ ورىندارىنىڭ جۇمىس ۋاقىتى ساعات 09:00-دەن 21:00-گە دەيىن شەكتەلۋمەن جۇمىس ىستەۋىنە رۇقسات ەتىلدى, – دەدى عالىمجان موتاي ۇلى.

ايتا كەتەيىك, شىمكەنت قالاسىندا 2020 جىلعى 24 ناۋرىز بەن 12 تامىز ارالىعىندا COVID-19 ينفەكتسياسىمەن 5131 جاعداي تىركەلگەن. ونىڭ 2617-ءسى سيمپتومدى, ال 2514-ءى سيمپتومسىز. بۇگىندە ناۋقاستاردىڭ 3866-سى ساۋىعىپ, 1218-ءى ەم الۋدا. سوڭعى مالىمەتتەردى جەتكىزسەك, قالادا 12 تامىزدا ينفەكتسيانىڭ 10 جاعدايى تىركەلىپ, ءوسىم 0,2% قۇراپ وتىر.