اۆستراليالىق سپورتشى توم دەننيسس جەر شارىن 622 كۇندە جۇگىرىپ اينالىپ ءوتتى. بۇل تۋرالى Segodnya.ua حابارلادى.
سپورتشى كۇنىنە 42 شاقىرىمنان استام قاشىقتىقتى باعىندىرىپ وتىرعان.
2011 جىلدىڭ 31 جەلتوقساندا اۆستراليانىڭ استاناسى سيدنەي قالاسىنان جۇگىرىپ شىققان سپورتشى الدىمەن جاڭا زەلاندياعا جەتتى. ودان سوڭ سولتۇستىك پەن وڭتۇستىك امەريكانى, سونداي-اق ەۋروپا مەن ازيانىڭ باتىسىنان شىعىسىنا دەيىن جۇگىرىپ ءوتىپ, اۆستراليانىڭ باتىسىنا كەلەدى. ءسويتىپ ەلدىڭ وڭتۇستىك جاعالاۋىمەن جۇگىرىپ ۇيىنە ورالدى. توم دەننيسس باعىندىرعان قاشىقتىقتىڭ جالپى ۇزىندىعى – 26232 شاقىرىم.
توم دەننيسس الەمدىك رەكورد بويىنشا جەر شارىن ەڭ تەز اينالىپ شىققان ادام رەتىندە تاريحتا قالدى. ال سپورتشى جۇرتشىلىقپەن جۇزدەسۋىندە, الەمنىڭ وعان بۇرىنعىداي ۇلكەن كورىنبەيتىنىن ايتقان.
ايدار ورىسباەۆ.