الماتى وبلىسىنىڭ باس سانيتارلىق دارىگەرىنە قاتىستى قىزمەتتىك تەكسەرۋ جۇرگىزىلەدى, - دەپ حابارلايدى Egemen.kz
ەرعالي سىدىمىنوۆ ارىز-شاعىم ايتىپ كەلگەن تالدىقورعاندىق كاسىپكەرلەرمەن كەزدەسۋ كەزىندە دورەكەلى سويلەگەن. بەينە جازبا الەۋمەتتىك جەلىدە جەلدەن دە جىلدام تاراپ, قوعامنىڭ قىزۋ تالقىسىنا ءتۇستى. بۇل جاعدايعا دەنساۋلىق ساقتاۋ ءمينيسترى الەكسەي تسوي ايرىقشا نازار اۋداردى.
ۆەدموستۆا باسشىسى الماتى وبلىسى باس سانيتارىنىڭ حالىق الدىنداعى قۇرمەتسىز قىلىعىن مەملەكەتتىك قىزمەتشىگە ءتان ەمەس دەپ باعالادى. وسىعان بايلانىستى ەرعالي سىدىمىنوۆقا قاتىستى قىزمەتتىك تەكسەرۋ جۇرگىزۋدى باستاۋدى تاپسىردى.
ماسەلەنىڭ اق-قاراسى انىقتالىپ, ناقتى باعاسى بەرىلگەن سوڭ ونىڭ ناتيجەلەرى تۋرالى دەنساۋلىق ساقتاۋ مينيسترلىگىنىڭ مەديا-ورتالىعى رەسمي سايتتا جانە الەۋمەتتىك جەلىلەردە جاريالايدى.