جەدەل-ىزدەستىرۋ ءىس-شارالارىن جۇرگىزۋ بارىسىندا ەلوردالىق پوليتسەيلەر ەلەكتروندى تەحنيكا ساتاتىن "سۋلپاك" ءىرى ساۋدا جەلىسى دۇكەندەرىنىڭ ءبىرىنىڭ ەكى قىزمەتكەرىن ۇستادى. بۇل تۋرالى نۇر-سۇلتان قالاسىنىڭ پوليتسيا دەپارتامەنتى حابارلايدى, دەپ جازادى Egemen.kz
28 شىلدەگە قاراعان ءتۇنى ەكى قىزمەتكەر تۇنگى اۋىسىمعا ءتۇسىپ, ەلەكتر قۋاتىنىڭ جوقتىعىن پايدالانىپ, قويما بولمەسىنە ۇرلىق جاسادى. 9 دانا "ايفون" ماركالى جانە 11 دانا «سامسۋنگ» ماركالى قىمبات ۇيالى تەلەفوندار ۇرلانعان. ۇرلانعان م ۇلىكتىڭ جالپى قۇنى 6 ملن. تەڭگە.
تەرگەۋ بارىسىندا كۇدىكتىلەر ۇرلىق جاساعاندارىن مويىندادى. ايعاق زاتتار, ۇيالى تەلەفوندار ولاردىڭ پاتەرىنەن تاركىلەندى.
قازىرگى ۋاقىتتا قر قك 188-بابى "ۇرلىق" بويىنشا سوتقا دەيىنگى تەرگەۋ باستالدى. نۇر-سۇلتان قالاسىنىڭ پوليتسيا دەپارتامەنتى 2020 جىلدىڭ باسىنان بەرى ۇرلىق اۋىر قىلمىس ساناتىنا جاتقىزىلعانىن ەسكە سالادى. ەندى مۇنداي قىلمىستار ءۇشىن م ۇلىكتى تاركىلەۋمەن ءۇش جىلدان جەتى جىلعا دەيىن باس بوستاندىعىنان ايىرۋ جازاسى قاراستىرىلعان جانە تاتۋلاسۋ مۇمكىندىگىن جوققا شىعارادى.