بيىلعى اپتاپ ىستىق حالىقتى تۇندە تەرەزەلەردى اشىپ قويىپ ۇيىقتاۋعا ءماجبۇر قىلۋدا. تاڭەرتەڭ جۇمىسقا باراتىن ادامدار, بالالار مەن قارتتار دا ءتۇن تىنىشتىعىن قاجەت ەتەدى. الايدا ەكى دوڭگەلەكتى كولىگىمەن جارىسقا تۇسەتىن ەسەرلەر ءتۇن تىنىشتىعىن بۇزىپ, حالىققا زارداپ شەكتىرۋدە. پوليتسياعا تۇسكەن سونداي دابىلداردىڭ كوبەيىپ كەتۋىنە بايلانىستى جول قوزعالىسى ەرەجەلەرىنىڭ تالاپتارىن ساقتاۋ جانە موتوكولىك قۇرالدارىن قاۋىپسىز جۇرگىزۋ بويىنشا رەسپۋبليكالىق رەيدتەر جۇرگىزىلدى. سونىڭ ناتيجەسىندە پەتروپاۆلدا ەكى دوڭعالاقتى كولىكتىڭ 6 يەسىنە ايىپپۇل سالىندى.
سونىمەن بىرگە ن.نازارباەۆ جانە ك. سۇتىشەۆ كوشەلەرىنىڭ قيىلىسىندا پەتروپاۆل قيىلىسىندا 20 جاسار تۇرعىنى جۇرگىزىپ بارا جاتقان ۆاز-2112 اۆتوماشيناسى توقتاتىلدى. ءتۇن تىنىشتىعىن بۇزۋعا قۇشتار جادىگوي ماشيناسىنىڭ شۋدى ازايتاتىن تەتىگىن الىپ تاستاپ, كولىگىن قاتتى ايداعان. وعان قاتىستى دا ماتەريال تولتىرىلىپ, ايىپپۇل سالىناتىن بولدى.
"مۇنداي بۇزۋشىلىقتاردىڭ باسىم بولىگى وبلىس اۋداندارىندا انىقتالدى. اۋىل تۇرعىندارى موتوتسيكلداردى تىركەمەي, ءتيىستى جۇرگىزۋشىلىك كۋالىگىنسىز, ەشبىر قۇجاتسىز ونى ايداپ جۇرگەن. تىزگىندەپ جاتادى. مۇنداي 47 فاكتى انىقتالدى. تاعى 36 ادام شلەمسىز جۇرگەندەرى ءۇشىن جاۋاپقا تارتىلدى", - دەيدى سقو پد باستىعىنىڭ ءبىرىنشى ورىنباسارى پوليتسيا پولكوۆنيگى قانات ايتباەۆ.
سونىمەن بىرگە رەيد بارىسىندا ەكى تاۋلىك ىشىندە وبلىس جولدارىندا 110 قۇقىق بۇزۋشىلىق انىقتالدى.
سولتۇستىك قازاقستان وبلىسى