ءماجىلىس دەپۋتاتتارى ايماقتارعا ساپارى بارىسىندا پاندەميا سالدارىنان قيىن جاعدايدا قالعان تۇرعىندار ماسەلەسىنە ايرىقشا نازار اۋدارۋدا, - دەپ حابارلايدى Egemen.kz ءماجىلىستىڭ ءباسپاسوز قىزمەتىنە سىلتەمە جاساپ.
"Nur Otan", "اق جول", "حالىق كوممۋنيستەرى" پارلامەنتتىك فراكتسيالارىنىڭ وكىلدەرى جانە قازاقستان حالقى اسسامبلەياسى دەپۋتاتتارى بىرنەشە باعىت بويىنشا جۇمىس اتقارۋدا. ولار: الەۋمەتتىك ماسەلەلەر, تۇرعىندارعا تىكەلەي كومەك, ەڭبەكپەن قامتۋ, شاعىن جانە ورتا بيزنەستى قولداۋ.
سونداي-اق دەپۋتاتتار ازاماتتاردىڭ دەنساۋلىعىن, ەكونوميكالىق ءال-اۋقاتىن جاقسارتۋ باعىتىنا باسا كوڭىل بولە كەلىپ, قايىرىمدىلىق اكتسيالارىنا, الەۋمەتتىك جانە ەرىكتىلەر جوبالارىنا بەلسەنە قاتىسۋدا.
"حالىق كوممۋنيستەرى" فراكتسياسىنىڭ مۇشەلەرى ايقىن قوڭىروۆ پەن جامبىل احمەتبەكوۆ قازىرگى ۋاقىتتا "شاپاعات" پارتيالىق قايىرىمدىلىق جوباسى اياسىندا شارالارعا قاتىسۋدا. مۇندا مۇقتاج جاندار ازىق-ت ۇلىك تۇرىندە اتاۋلى كومەك الادى جانە ونلاين تۇردە زاڭدى ءارى پسيحولوگيالىق كومەككە جۇگىنە الادى.
سونىمەن بىرگە ونلاين رەجيمدە ءماجىلىس دەپۋتاتتارى ازاماتتاردى جەكە سۇراقپەن قابىلدايدى. فراكتسيا جەتەكشىسى ايقىن قوڭىروۆ اتاپ وتكەندەي, ازىق-ت ۇلىك تەك قانا قازاقستاندىق ونىمدەر. دەپۋتاتتاردىڭ ايماقتارداعى جۇمىسى ودان ءارى جالعاسۋدا.