الماتى قالاسىنىڭ اكىمى باقىتجان ساعىنتاەۆ ءوزىنىڭ Instagram پاراقشاسىندا 300 توسەك-ورىنعا ارنالعان, ونىڭ 30-ى رەانيماتسيالىق, ەكىنشى مودۋلدىك جۇقپالى اۋرۋلار اۋرۋحاناسىنىڭ قۇرىلىسى باستالعانىن جازدى, - دەپ حابارلايدى Egemen.kz
"COVID-19-عا قارسى ءىس-قيمىل شارالار اياسىندا توسەك سانىن ارتتىرىپ, قۋاتتىلىقتى كۇشەيتۋدى جالعاستىرامىز. بۇل رەتتە 300 توسەك-ورىنعا ارنالعان, ونىڭ 30-ى رەانيماتسيالىق, ەكىنشى مودۋلدىك جۇقپالى اۋرۋلار اۋرۋحاناسىنىڭ قۇرىلىسى باستالدى. مەدمەكەمە مەديتسينالىق گاز جۇيەسىمەن, سونداي-اق كت, ۋدز جانە رەنتگەن اپپاراتتارىمەن قامتاماسىز ەتىلمەك", - دەپ جازدى باقىتجان ساعىنتاەۆ Instagram پاراقشاسىندا.
ونىڭ ايتۋىنشا, گوسپيتال تولىعىمەن تسيفرلىق نەگىزدە, ياعني تەكسەرۋ بايلانىسسىز ادىسپەن, باقىلاۋ — بەينەبايلانىس ارقىلى جۇرگىزىلەدى. اۆتوماتتاندىرىلعان جۇيە ناۋقاستىڭ جاعدايىن جەدەل باقىلاۋعا, سونداي-اق "جاسىل" جانە "قىزىل" ايماقتار بويىنشا قىزمەتكەرلەردىڭ قوزعالىسىن باقىلاۋعا مۇمكىندىك بەرەدى.