شىمكەنت قالاسىندا بيىل ەگىستىك القابىنان 15 650 توننا ءونىم الىندى. ونىڭ ىشىندە 10 450 توننا ءداندى داقىل, 5 200 توننا كوكونىس پەن باقشا ونىمدەرى, كارتوپتىڭ 2100 تونناسى جينالدى. شارۋالار مايلى داقىلدار مەن مال ازىقتىق داقىلدارىن, كارتوپتىڭ قالعان بولىگىن الداعى ۋاقىتتاعى جيىنعا قالدىرعان, - دەپ حابارلايدى Egemen.kz.
اۋىلشارۋاشىلىعى باسقارماسى ماماندارىنىڭ ايتۋىنشا, اعىمداعى جىلى اۋىلشارۋاشىلىعى داقىلدارىنىڭ ەگىس كولەمى 27,6 مىڭ گەكتارعا جەتىپ, وتكەن جىلدىڭ ءتيىستى كەزەڭىمەن سالىستىرعاندا 1 مىڭ گەكتارعا ارتقان.
دالا جۇمىستارىنا تراكتورلار, تۇقىم سەپكىشتەر, جەر قوپسىتقىشتارى, توپىراق وڭدەيتىن اگرەگاتتاردىڭ 95 پايىزعا جۋىعى جۇمىلدىرىلىپ, ەگۋ مەرزىمدەرى تولىعىمەن ساقتالدى.
سونىمەن قاتار مينەرالدى تىڭايتقىشتاردىڭ قۇنىن سۋبسيديالاۋ باعدارلاماسىنا سايكەس 105 ملن تەڭگە قارجى ءبولىنىپ, بۇگىنگى تاڭدا 74,5 ملن تەڭگەگە 1125 توننا تىڭايتقىش سۋبسيديالانعان.
قالادا جالپى اۋىلشارۋاشىلىعى ماقساتىندا 62,6 مىڭ گەكتار جەر كولەمى بولىنگەن. ەگىستىك جەر - 39,5 مىڭ گەكتار بولسا, سۋارمالى جەرلەردىڭ كولەمى 11مىڭ گەكتاردى الىپ جاتىر.