بۇل كۇندەرى قارا قۇرلىق كۆي قاۋسىرعان شەڭگەلدەن بوساپ شىعا الماي, جانتالاس ۇستىندە.
REGNUM اقپارات اگەنتتىگىنىڭ حابارلاۋىنشا ليۆيادا وتكەن تاۋلىكتە اۋرۋ جۇقتىرۋدىڭ ەڭ كوپ تىركەلۋى انىقتالعان. ياعني تەست تاپسىرعان 1618 ادامنىڭ 251–ىندە ۆيرۋس بار بولىپ شىققان. وسىلايشا ەل كولەمىندە كۆي اعزاسىنا قوناقتاعان جاننىڭ سانى 4475-ءتى قۇراعان.
وڭتۇستىك افريكا رەسپۋبليكاسى دەنساۋلىق ساقتاۋ ءمينيسترى زۆەلي محيدزە باق وكىلدەرىنە ارناپ وتكىزگەن ۆيرتۋالدى بريفينگتە : "تامىزدىڭ اياعىنا قاراي اۋرۋدىڭ بەلەڭ الۋى باسىلادى دەپ كۇتەمىز. الايدا پاندەميانىڭ ەكىنشى تولقىنى سوعۋ قاۋىپى بارلىعى دا راس. دەگەنمەن ەلدىڭ ءۇش ايماعىندا باسەڭدەۋ بەلىگىلەرى بار", ەكەنىن ايتقان.
مينيستر سونىمەن قاتار اۋرۋحانادا ورىن جەتپەي جاتقانىن, سوڭعى كۇندەرى ۆيرۋس جۇقتىرعاندار سانى جارتى ميلليوننان اسىپ كەتكەنىنە توقتالدى.
موزامبيك بيلىگى SARS-CoV-2 ءورشىپ تۇرۋىنا بايلانىستى جاريالانعان توتەنشە جاعداي رەجىمىن ءبىر ايعا الىدەۇزارتۋ كەرەك دەگەن شەشىم شىعارعان. بۇل جايىندا موزامبيك پرەزيدەنتى فيليپ نيۋسي مالىمدەدى. "بۇل شارا ەكى قاعيداتتى نەگىزگە الۋى ءتيىس. ءبىرىنشىسى–اۋرۋدى بولدىرماۋدا ساقتىقتى كۇشەيتۋ مەن COVID-19-دى اۋىزدىقتاۋعا, ەكىنشىسى – ەكونوميكانىڭ قالىپتى كۇيىنە تۇسۋىنە قوعامعا كەپىلدىك بەرۋ", دەگەن.