اقتوبە وبلىسىندا مۇناي ۇرلىعى ءورشىپ تۇر. ءبىر قىلمىستىق توپ قۇنى 1 ملرد. تەڭگەنى قۇرايتىن مۇناي ۇرلاعان. وسى قىلمىسقا تىكەلەي قاتىسى بولعان فيرما ديرەكتورى 6 جىل ءومىرىن تۇرمەدە وتكىزەدى. ال ونىڭ سىبايلاسىنا ىزدەۋ جاريالاندى. بۇل تۋرالى «دياپوزون» جازدى.
جەرگىلىكتى وڭىردەگى بايعانين اۋدانىنىڭ وزىندە 1 جىل ىشىندە قۇنى 1,5 ملرد. تەڭگەنى قۇرايتىن مۇناي ۇرلىعى تىركەلگەن. جالپى, وبلىس كولەمىندە ۇرلانعان مۇنايدىڭ جيىنتىعى-10 ملرد. تەڭگەنى قۇرايدى. وسىعان قاتىستى جىل باسىندا 54 قىلمىستىق ءىس قوزعالىپ, 37 ازامات جازاعا تارتىلعان. «ايىپكەرلەر قاراۋسىز قالعان كەن ورىندارىنان مۇناي ۇرلاعان. ارالارىندا جالعان قۇجات ازىرلەپ, «قارا التىندى» شەتەل اسىرعاندارى بار. تەمىر تورعا قامالعانداردىڭ ىشىندە «مۇناي ءونىمى» جاۋاپكەرشىلىگى شەكتەۋلى سەرىكتەستىگىنىڭ قىزمەتكەرى دە بار. سوت شەشىمىمەن ونىڭ 70 ملن. تەڭگەنى قۇرايتىن قىمبات باعالى دۇنيەلەرى تاركىلەندى», -دەيدى وبلىستىق پروكۋراتۋرا I باسقارماسىنىڭ جەتەكشىسى مۇراتبەك مىرزامۇراتوۆ.
باقىتبەك كەنەش ۇلى.