KASE-ءنىڭ جاڭا مىندەتتەرى ايقىندالدى

ورتالىق  كونتراگەنتتىڭ نەسيەلىك تاۋەكەلدەرىن ەسكەرە وتىرىپ جانە جاسالعان مامىلەلەر بويىنشا ەسەپ ايىرىسۋلارعا كەپىلدىك بەرە وتىرىپ, قارجى نارىعىنا قاتىسۋشىلار اراسىندا دەلدال مىندەتىن اتقارادى.  

ءوز كەزەگىندە, MOEX باسقارما توراعاسى يۋري دەنيسوۆ ساۋدا, كليرينگ جانە تاۋەكەلدەردى باسقارۋدىڭ جاڭا تەحنولوگيالارى نارىق وتىمدىلىگىن ارتتىرۋعا كومەكتەسەدى دەپ اتاپ ءوتتى.  "كەلەسى قادام - ​​وسى جىلدىڭ سوڭىنا دەيىن اياقتالۋى جوسپارلانعان KASE ۆاليۋتا نارىعىنىڭ پلاتفورماسىن جاڭارتۋ. بۇگىن ءبىز رەسەي مەن قازاقستاننىڭ قارجى نارىقتارىن جاقىنداستىرۋعا تاعى ءبىر قادام جاسادىق. نارىقتاردىڭ ءبىرتۇتاس تەحنولوگيالىق ستاندارتتارى ەكى ەلدىڭ بانكتەرى مەن بروكەرلەرىنە ءبىزدىڭ بيرجالىق نارىقتارىمىزعا ەڭ از شىعىندارمەن قول جەتكىزۋگە جانە ءوز كليەنتتەرىنە ەكى نارىقتىڭ قۇرالدارىن ۇسىنۋعا مۇمكىندىك بەرەدى",  دەدى دەنيسوۆ.

2018 جىلدىڭ قىركۇيەك ايىندا KASE ۆاليۋتا نارىعىندا ورتالىق كونتراگەنت قىزمەتىن ىسكە قوستى. 2020 جىلدىڭ  3 تامىزىنان باستاپ بيرجادا قور بيرجاسىنداعى بارلىق جەكە مامىلەلەر بويىنشا ورتالىق كونتراگەنت رەتىندە ارەكەت ەتە باستادى.  ASTS + جاڭا جۇيەسىندە 620 قارجى قۇرالى, ونىڭ ىشىندە قور نارىعىنىڭ ساتىپ الۋ-ساتۋ سەكتورىنداعى 469 شىعارىلىم جانە اۆتوماتتى رەپو نارىعىنىڭ 151 قۇرالى ساتىلدى. سونىمەن قاتار, ت + 2 ەسەپتەرىمەن 177 قارجى قۇرالىنىڭ ساۋدا-ساتتىعى وتكىزىلدى.

قازاقستان رەسپۋبليكاسىنىڭ ۇيىمداستىرىلعان نارىعىندا جاڭا ساۋدا-ساتتىق جانە كليرينگ جۇيەسىنىڭ ارقاسىندا العاش رەت قور نارىعىنداعى مامىلەلەردىڭ بارلىق تۇرلەرىنە, ونىڭ ىشىندە ساتىپ الۋ-ساتۋ جانە رەپو سەكتورىنا قاتىسۋشىلاردىڭ پوزيتسياسىن بەلگىلەۋ ەنگىزىلدى. "بۇل بيرجا مۇشەلەرىنىڭ وتىمدىلىگىن باسقارۋدىڭ تيىمدىلىگىن ەداۋىر ارتتىرادى جانە ولاردىڭ ترانزاكتسيالىق شىعىندارىنىڭ تومەندەۋىنە الىپ كەلەدى»  دەپ سانايدى KASE وكىلدەرى. «قور نارىعىندا ASTS + جاڭا ساۋدا جۇيەسىن جانە ورتالىق كونتراگەنت قىزمەتىن ەنگىزۋ بويىنشا اۋقىمدى جوبانىڭ ءساتتى اياقتالدى. كليەنتتەرىمىزدىڭ, رەتتەۋشىلەرىمىز بەن سەرىكتەستەرىمىزدىڭ قولداۋىمەن 1,5 جىلدان استام ۋاقىتتان بەرى جۇزەگە اسىرىلىپ كەلەدى. بۇل ماسكەۋ بيرجاسىمەن (MOEX) ستراتەگيالىق سەرىكتەستىك شەڭبەرىندەگى ماڭىزدى قادام",  دەدى كاSە وكىلى   الينا الدامبەرگەن. 

KASE MOEX-پەن ىنتىماقتاستىق 2018 جىلدىڭ قازان ايىندا باستالدى. بيرجالار اراسىندا جاسالعان كەلىسىمدە بيرجادا جارعىلىق كاپيتالدىڭ 20%-نا دەيىن MOEX ساتىپ الۋ قاراستىرىلعان.

2019 جىلى MOEX KASE اكتسيالارىنىڭ 3,32%-ىن ساتىپ الدى. MOEX-پەن ىنتىماقتاستىقتىڭ تاعى ءبىر باعىتى ماسكەۋ بيرجاسىنىڭ تاجىريبەسى مەن ساۋدا-ساتتىق جانە كليرينگتىك تەحنولوگيالارىن قولدانۋ بولدى.