جۇرگىزۋشىلەرگە مارشرۋتىن الدىن الا جوسپارلاۋ ۇسىنىلادى. بۇل تۋرالى ەلوردا اكىمدىگىنىڭ رەسمي سايتى حابارلايدى, دەپ جازادى Egemen.kz
كوشە-جول جەلىسىن ورتاشا جوندەۋ اياسىندا بيگەلدينوۆ كوشەسىندە سارىارقا داڭعىلىنان جەلتوقسان كوشەسىنە دەيىنگى ۋچاسكەدە جول قۇرىلىسى جوسپارلانعان, دەپ حابارلادى قالالىق كولىك جانە جول ينفراقۇرىلىمىن دامىتۋ باسقارماسى.
وسىعان بايلانىستى 4-10 تامىز ارالىعىندا قوزعالىستى ءىشىنارا جابۋ جوسپارلانعان. سونىمەن قاتار 4-10 تامىز ارالىعىندا الاش تاس جولىنداعى كوپىردەن جولىمبەت كوشەسىنە دەيىن كولىك قوزعالىسىن جارتىلاي جابىلادى. ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماۋ ءۇشىن مارشرۋتىن الدىن-الا جوسپارلاۋى كەرەك.
"كەلتىرىلگەن قولايسىزدىق ءۇشىن كەشىرىم وتىنەمىز جانە جوندەۋ جۇمىستارىنا تۇسىنىستىكپەن قاراۋدى سۇرايمىز", دەلىنگەن حابارلامادا.