قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ قىتاي حالىق رەسپۋبليكاسىنىڭ قازاقستانداعى ەلشىسى چجان سياومەن تەلەفونمەن سويلەستى, دەپ حابارلايدى Egemen.kz.
تاراپتار ەكى ەل اراسىنداعى تەمىرجول جانە اۆتوموبيل تاسىمالىنا قاتىستى وزەكتى ماسەلەلەردى جانە وتكىزۋ بەكەتتەرىندەگى جاعدايدى تالقىلادى.
"سونداي-اق شەكارا وتكەلدەرىندە جۇك اۆتوكولىكتەرىن وتكىزۋدى ارتتىرۋ جانە دوستىق-الاشانكوۋ حالىقارالىق ارالىعىندا جۇك ۆاگوندارىن تەحنولوگيالىق وڭدەۋدى كۇشەيتۋ جايى ءسوز بولدى. بيىلعى 6 ايدىڭ قورىتىندىسىندا ء"بىر بەلدەۋ – ءبىر جول" جىبەك جولى باعىتىمەن ترانزيتتىك كونتەينەرلىك تاسىمالداۋ كولەمى 64% ارتتى. دوستىق-الاشانكوۋ شەكارا وتكەلى ارقىلى جۇك تاسىمالى 22%, التىنكول – قورعاس ارقىلى 58% ۇلعايدى", - دەلىنگەن حابارلامادا.
جالپى بيىل ءبىرىنشى جارتى جىلدىقتا ەكى ەل اراسىنداعى تەمىرجول جۇك تاسىمالىنىڭ كورسەتكىشى 30% ارتتى. بۇعان كوروناۆيرۋس پاندەمياسىنا قاتىستى جاعدايدان كەيىن قىتاي ەكونوميكاسىنىڭ قالپىنا كەلۋى وڭ ىقپال ەتتى.