قازاقستاننىڭ قۇرمەتتى ساۋلەتشىسى, "استانا-بايتەرەك" مونۋمەنتىنىڭ اۆتورى اقمىرزا يسا ۇلى رۇستەمبەكوۆ ومىردەن وزدى. قايعىلى قازا تۋرالى "الماتىگەنپلان" عزي حابارلادى, - دەپ جازادى Egemen.kz
"2020 جىلدىڭ 29 شىلدەسىندە قازاقستان ساۋلەتشىلەر وداعىنىڭ پرەزيدەنتى اقمىرزا يسا ۇلى رۇستەمبەكوۆ قايتىس بولدى", - دەلىنگەن حابارلامادا.
اقمىرزا رۇستەمبەكوۆ - قازاقستان رەسپۋبليكاسىنىڭ ەڭبەك سىڭىرگەن قايراتكەرى, قازاقستاننىڭ قۇرمەتتى ساۋلەتشىسى, شىعىس ەلدەرىنىڭ حالىقارالىق ساۋلەت اكادەمياسىنىڭ كوررەسپوندەنت-مۇشەسى, قازاق باس ساۋلەت-قۇرىلىس اكادەمياسىنىڭ قۇرمەتتى پروفەسسورى, رەسەي ساۋلەتشىلەر وداعىنىڭ قۇرمەتتى مۇشەسى, قازاقستان ديزاينەرلەر وداعىنىڭ مۇشەسى.
"استانا-بايتەرەك" نىسانى ءۇشىن ول تمد ەلدەرىنىڭ ساۋلەتشىلەر وداعىنىڭ حالىقارالىق قاۋىمداستىعىنىڭ X-ءشى حالىقارالىق بايقاۋىندا گران-پري مەن التىن مەدالعا يە بولدى. 2003 جىلى سوفياداعى بۇكىلالەمدىك ساۋلەت تريەننالىنىڭ كۇمىس مەدالىن, 2003 جىلى بىشكەكتەگى ساۋلەت فەستيۆالىندە گران-پري جانە قىرعىز رەسپۋبليكاسى ساۋلەتشىلەر وداعىنىڭ التىن مەدالىن يەلەندى.