ۇلتتىق ەكونوميكا مينيسترلىگى بيزنەسكە ارنالعان نەگىزگى سالىق بوساڭسۋلارى تۋرالى باياندادى. بۇل تۋرالى مينيسترلىكتىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
ۆەدومستۆو باسشىسى رۋسلان دالەنوۆتىڭ ايتۋىنشا, ەكونوميكانىڭ نەعۇرلىم وسال سالالارىندا جىل سوڭىنا دەيىن م ۇلىك سالىعى نولدەندىرىلدى. اۋىل شارۋاشىلىعى ماقساتىنداعى جەرلەردە اۋىل شارۋاشىلىعى ءونىمىن وندىرۋشىلەر ءۇشىن جىل سوڭىنا دەيىن جەر سالىعى مولشەرلەمەسى نولدەندىرىلدى. اسىل تۇقىمدى مال شارۋاشىلىعىن يمپورتتاۋ كەزىندە ەسەپتەۋ ادىسىمەن ققس تولەۋ مۇمكىندىگى بەرىلدى. ياعني بۇل ءىس جۇزىندە سالىقتان بوساتۋدى بىلدىرەدى.
"الەۋمەتتىك ماڭىزى بار ازىق-ت ۇلىك تاۋارلارى ءۇشىن ققس مولشەرلەمەسى 2020 جىلعى 1 قازانعا دەيىن 12%-تەن 8%-كە تومەندەتىلدى. 29 ەداۋىر زارداپ شەككەن ەكونوميكا سالالارىندا 2020 جىلعى 1 قازانعا دەيىن سالىقتار مەن ەڭبەكاقى بولەۋ قورىنىڭ تولەمدەرى بويىنشا مولشەرلەمە نولدەندىرىلدى. بۇل قىزمەتكەردىڭ جەكە تابىس سالىعى جانە مىندەتتى زەينەتاقى جارناسى, الەۋمەتتىك سالىق جانە الەۋمەتتىك اۋدارىمدار, مىندەتتى مەديتسينالىق ساقتاندىرۋ جارنالارى مەن اۋدارىمدارى", دەپ اتاپ كورسەتتى ۇلتتىق ەكونوميكا ءمينيسترى.
جالپى شارا 700 مىڭ سالىق تولەۋشىنى 1 ترلن تەڭگە سوماسىندا قامتىپ وتىر, دەدى دالەنوۆ.
"بۇدان باسقا, بۇرىن توتەنشە جاعداي كەزىندە شوب-قا قارىز جۇكتەمەسىنىڭ وسۋىنە جول بەرمەۋ ءۇشىن نەگىزگى كرەديت قارىزى مەن سىياقى تولەمى 90 كۇنگە كەيىنگە قالدىرىلعان بولاتىن", دەپ تۇيىندەدى ءسوزىن ول.