اسقار مامين قىزىلوردا وبلىسىنىڭ دامۋ ماسەلەلەرى جونىندە كەڭەس وتكىزدى

ءوڭىردىڭ الەۋمەتتىك-ەكونوميكالىق دامۋنىڭ وزەكتى ماسەلەلەرىن شەشۋ ءۇشىن ۇسىنىستار ازىرلەۋ بويىنشا ورتالىق مەملەكەتتىك ورگاندار مەن قىزىلوردا وبلىسىنىڭ اكىمدىگى اتقارعان جۇمىستار تۋرالى قر پرەمەر-ءمينيسترىنىڭ ءبىرىنشى ورىنباسارى ءا. سمايىلوۆ پەن وبلىس اكىمى گ. ابدىقالىقوۆا باياندادى. ۇلتتىق ەكونوميكا ءمينيسترى ر. دالەنوۆ, يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, دەنساۋلىق ساقتاۋ ءمينيسترى ا. تسوي جانە باسقا دا ورتالىق مەملەكەتتىك ورگانداردىڭ باسشىلارى تۇسىنىك بەردى.

قىزىلوردا وبلىسىن دامىتۋ ماسەلەلەرى جونىندەگى جۇمىس توبى 100 ملرد تەڭگەگە 79 جوباعا قولداۋ ءبىلدىردى. بيىل وڭىردە 15,6 ملرد تەڭگەگە 42 جوبانى قارجىلاندىرۋ جوسپارلانعان. جوبالار ءتىزىمى قىزىلوردا سۋ تورابىن قايتا جوندەۋدى باستاۋدى, قىزىلوردا, ارال قالالارىنداعى جانە تەرەڭوزەك كەنتىندەگى سۋمەن جانە ەلەكترمەن جابدىقتاۋ جۇيەلەرىن دامىتۋدى, «بجك – 2025» اياسىندا جاس كاسىپكەرلەرگە مەملەكەتتىك گرانت بەرۋدى جانە شاعىن نەسيەلەندىرۋدى ارتتىرۋدى, قىزىلوردا قالاسىنداعى جاڭا ماگيسترالدى كوشەنىڭ قۇرىلىسىن جالعاستىرۋدى قامتيدى. 

ءبىلىم جانە عىلىم مينيسترلىگى حالىقتىڭ الەۋمەتتىك وسال توپتارىنا جاتاتىن وتباسىلاردان شىققان وقۋشىلاردى كومپيۋتەرلىك تەحنيكامەن قامتاماسىز ەتۋ اياسىندا ۇكىمەت رەزەرۆى ەسەبىنەن وبلىستىڭ 34,7 مىڭ وقۋشىسى ءۇشىن كومپيۋتەرلىك تەحنيكا (كومپيۋتەرلەر, نوۋتبۋكتەر, پلانشەتتەر جانە مودەمدەر) ساتىپ الۋدى كوزدەپ وتىر.

2021 جىلى 32 جوبانى ىسكە اسىرۋدى باستاۋ جوسپارلانىپ وتىر, ونىڭ ىشىندە اقباستى, توقاباي, اباي, تورەتام, جانقوجا باتىر, مايداكول ەلدى مەكەندەرىن جانە بايقوڭىر قالاسىن سۋمەن جابدىقتاۋ جۇيەلەرىن دامىتۋ, كوكارال بوگەتىن, كۇمىسكەتكەن جانە قاراوزەك سۋ قويمالارىن جاڭعىرتۋ, سونداي-اق يرريگاتسيالىق جۇيەلەردى جەتىلدىرۋ, جالاعاش كەنتىندە گاز قۇبىرىن جانە ورامىشىلىك گاز جەلىلەرىن سالۋ, تۇرعىن ءۇي جانە ءتيىستى ينجەنەرلىك-كوممۋنيكاتسيالىق ينفراقۇرىلىم سالۋ, سونىڭ ىشىندە بايقوڭىر ق. بەس 50 پاتەرلى تۇرعىن ءۇي سالۋ جانە ت. ب.

اتالعان شارالار ءوڭىردى ودان ءارى دامىتۋ ءۇشىن ەلەۋلى الەۋمەتتىك-ەكونوميكالىق ناتيجە بەرەدى دەپ كۇتىلۋدە, ونىڭ ىشىندە نەگىزگى كاپيتالعا سالىنعان ينۆەستيتسيالاردىڭ ءوسىمى جانە جاڭا جۇمىس ورىندارىن قۇرۋ.