زەلەنوۆ اۋدانىنداعى بەلەس اۋىلى اۋماعىنان «Robinson-44» تىكۇشاعىنىڭ سىنىقتارى مەن قالدىقتارى جانە وپات بولعان ەكى ادامنىڭ دەنەسى تابىلدى دەپ حابارلادى توتەنشە جاعدايلار دەپارتامەنتىنىڭ ءباسپاسوز قىزمەتى. ولاردىڭ ءبىرى – ەسىمى اقجايىق وڭىرىنە كەڭىنەن تانىمال كاسىپكەر, جەرگە قۇلاعان جەكەمەنشىك اۋە كولىگىنىڭ يەسى ۆلاديمير ۆولكوۆ, ەكىنشىسى – ونىڭ قاتار جۇرگەن سەرىكتەس دوسى گريگوري پوليانيچكو ەكەنى بەلگىلى بولىپ وتىر. وقيعا ورنىندا بولعان ارىپتەستەرىمىزدىڭ ايتۋىنا قاراعاندا, تىكۇشاقتىڭ قيراعان سىنىقتارى 150 مەترلىك راديۋسقا دەيىن شاشىلىپ كەتكەن.
زەلەنوۆ اۋدانىنداعى بەلەس اۋىلى اۋماعىنان «Robinson-44» تىكۇشاعىنىڭ سىنىقتارى مەن قالدىقتارى جانە وپات بولعان ەكى ادامنىڭ دەنەسى تابىلدى دەپ حابارلادى توتەنشە جاعدايلار دەپارتامەنتىنىڭ ءباسپاسوز قىزمەتى. ولاردىڭ ءبىرى – ەسىمى اقجايىق وڭىرىنە كەڭىنەن تانىمال كاسىپكەر, جەرگە قۇلاعان جەكەمەنشىك اۋە كولىگىنىڭ يەسى ۆلاديمير ۆولكوۆ, ەكىنشىسى – ونىڭ قاتار جۇرگەن سەرىكتەس دوسى گريگوري پوليانيچكو ەكەنى بەلگىلى بولىپ وتىر. وقيعا ورنىندا بولعان ارىپتەستەرىمىزدىڭ ايتۋىنا قاراعاندا, تىكۇشاقتىڭ قيراعان سىنىقتارى 150 مەترلىك راديۋسقا دەيىن شاشىلىپ كەتكەن.
– ونىڭ ءبارىن ىزدەستىرۋمەن, تىكۇشاق بورتىندا جازىلىپ قالعان جازبالاردىڭ ماعىناسىن اشۋ جۇمىستارىمەن, تۇتاستاي العاندا تىكۇشاقتىڭ اپاتقا ۇشىراۋ سەبەپتەرىن انىقتاۋمەن ازاماتتىق اۋە كوميتەتىنىڭ ساراپشىلارى اينالىسۋدا. سوندىقتان بۇل وقيعا ءجونىندە تۇبەگەيلى بايلام جاساۋ ۋاقىتى جەتكەن جوق. تەك ءازىرگە انىق بايقالعان كورىنىس تىكۇشاقتىڭ شاشىلىپ كەتكەن سىنىقتارى مەن قالدىقتارىندا كۇيۋ مەن ءورتەنۋدىڭ بەلگىلەرى جوق, – دەدى گازەت تىلشىسىنە ورال كولىك پروكۋرورى ارمان مۇحامبەتقاليەۆ.
اتالعان دەرەك بويىنشا قر قىلمىستىق كودەكسىنىڭ تەمىرجول, اۋە جانە سۋ كولىگىندە قوزعالىس قاۋىپسىزدىگى ەرەجەلەرىن بۇزۋعا قاتىستى قىلمىستىق ءىس قوزعالدى. ءتيىسىنشە بۇل ءىس قىلمىستىق كودەكستىڭ 295-بابىنىڭ 3-تارماعىنا سايكەس كەلەدى. تەرگەۋ امالدارىن ورال ستانساسىنداعى جەلىلىك ءىشكى ىستەر ءبولىمىنىڭ قىزمەتكەرلەرى جۇرگىزۋدە.
راس, تىكۇشاق يەسى ۇشار الدىندا ونىڭ باعىتىن جەرگىلىكتى اۋە قوزعالىستارىن باسقارۋ ورتالىعىمەن جانە «كازاەروناۆيگاتسيا» قىزمەتىمەن كەلىسكەن. ونىڭ ۇستىنە ۆلاديمير ۆولكوۆتىڭ دا, ونىڭ جانىنداعى گريگوري پوليانيچكونىڭ دا تىكۇشاقتى باسقارىپ ۇشۋعا رۇقسات بەرەتىن كۋالىكتەرى بولعان. «Robinson-44» الەمدەگى ەڭ سەنىمدى اۋە كولىكتەرىنىڭ ءبىرى. بۇل تىكۇشاق ءار ەلدەگى پوليتسيا جانە قۇتقارۋ قىزمەتتەرىندە كەڭىنەن قولدانىلادى. ونىڭ قۇنى 650 مىڭ اقش دوللارى توڭىرەگىندە ەكەنىن ينتەرنەتتەگى دەرەك كوزدەرى ايعاقتايدى. قالاي دەسەك تە, «Robinsonنىڭ» سەنىمدى ەكەنىنە قاراماستان, ورال وڭىرىندە وسىنداي قايعىلى جاعداي ورىن الدى. جازمىشتان وزمىش جوق دەگەن وسى دا.
تەمىر قۇسايىن,
«ەگەمەن قازاقستان».
باتىس قازاقستان وبلىسى.