ءبىرتۇتاس نارىقتى دامىتۋ ىنتىماقتاستىقتى ارتتىرادى

قازىرگى تاڭدا الەمدە كوروناۆيرۋس ىندەتى ءورشىپ تۇرعانى بەلگىلى. وسى ورايدا, ۇيىمعا مۇشە مەملەكەتتەردە دە تاماق ونىمدەرىمەن قامتاماسىز ەتۋدىڭ ماڭىزى ەرەكشە ەكەنىن ماڭىزدىلىعىن دالەلدەدى. جيىن ازىق-ت ۇلىك جەتكىزۋدىڭ تىزبەگىن دامىتۋدا تاعام ونەركاسىبىنىڭ ءرولىن تالقىلاۋ ماقساتىندا ۇيىمداستىرىلدى.

كونفەرەنتسياعا يىۇ مەملەكەتتەرى جەكە سەكتورىنىڭ, وداقتارىنىڭ, بىرلەستىكتەرىنىڭ وكىلدەرى مەن ساراپشىلار قاتىستى. جيىن بارىسىندا قازاقستاننىڭ اۋىل شارۋاشىلىعى ءمينيسترى ساپارحان وماروۆ, ازىق-ت ۇلىك قاۋىپسىزدىگى جونىندەگى يسلام ۇيىمىنىڭ باس ديرەكتورى ەرلان بايداۋلەت, ساۋدا, ونەركاسىپ جانە اۋىل شارۋاشىلىعىنىڭ يسلام پالاتاسىنىڭ (ICCIA) باس حاتشىسى يۋسەف حاسان حالاۆي ءسوز سويلەپ, ءىس-شارا تاقىرىبىنىڭ ماڭىزىن تارقاتىپ ايتىپ بەردى.

كونفەرەنتسيادا ءسوز سويلەگەن اۋىل شارۋاشىلىعى ءمينيسترى س.وماروۆ حالىقارالىق ديالوگ پەن ىنتىماقتاستىقتى جولعا قويۋداعى ازىق-ت ۇلىك قاۋىپسىزدىگى جونىندەگى يسلام ۇيىمى سەكىلدى حالىقارالىق ۇيىمداردىڭ ءرولىنىڭ ماڭىزىن اتاپ ءوتتى.

"بىلتىرعى تامىزدا ساۋد ارابياسى كورولدىگىندە وتكەن اقيۇ باس اسسامبلەياسىنىڭ ەكىنشى وتىرىسىنىڭ قورىتىندىسى بويىنشا مۇشە ەلدەردىڭ اۋىل شارۋاشىلىق مينيسترلەرى يسلام تاماق ونەركاسىبى قاۋىمداستىعىن قۇرۋ تۋرالى شەشىم قابىلدادى. ءدال مۇنداي جوبالار ازىق-ت ۇلىك ساۋداسى مەن ساپا ستاندارتتارىن ارتتىرىپ, ىنتىماقتاستىعىمىزدى نىعايتاتىن قۋاتتى ىرگەتاس بولاتىنىنا سەنىمىم مول. بۇل – قازاقستان ءۇشىن دە, يىۇ-عا مۇشە مەملەكەتتەر ءۇشىن دە وتە ماڭىزدى. قاۋىمداستىقتىڭ مىندەتى – ساۋدا-ساتتىقتى كەڭەيتۋ, يسلامدىق قارجىلاندىرۋدى تارتۋ, اقپارات الماسۋ, بايلانىس ورناتۋ, ەكسپورت پەن يمپورتتى ۇلعايتۋ جولىمەن ەلدەرىمىزدىڭ تاماق ونەركاسىبىن ودان ءارى دامىتۋ ءۇشىن قولايلى جاعدايلار جاساۋ", دەيدى س.وماروۆ.

ازىق-ت ۇلىك قاۋىپسىزدىگى جونىندەگى يسلام ۇيىمىنىڭ باس ديرەكتورى ە.بايداۋلەتتىڭ ايتۋىنشا, جەكە جانە مەملەكەتتىك سەكتورلاردىڭ ءتيىمدى ارەكەتتەسۋ مەحانيزمىن جاساۋ ماقساتىندا ساۋدا, ونەركاسىپ جانە اۋىل شارۋاشىلىعىنىڭ يسلام پالاتاسىمەن ستراتەگيالىق ارىپتەستىككە ورناتىلماق.

"يسلام مەملەكەتتەرىنىڭ اۋىل شارۋاشىلىق مينيسترلىكتەرى مەن بيزنەس اراسىندا ءوزارا ارەكەتتەسۋ قاجەت. يىۇ/اقيۇ مەملەكەتتەرىندە قوسىلعان قۇنى بار تاماق ونىمدەرىنىڭ ءبىرتۇتاس نارىعىن جەتىلدىرۋ ارقىلى تاعام ونەركاسىبىن دامىتۋىمىز كەرەك. بيزنەس قۇرىلىمداردىڭ اراسىندا ءوزارا ساۋدانى كەڭەيتۋ, يسلام قارجىلارىن تارتۋ, ەكسپورت پەن يمپورتتى ۇلعايتۋ ءۇشىن قولايلى جاعدايلار جاساۋىمىز كەرەك. سونىمەن قاتار مەنشىكتى اگرارلىق ءوندىرىسىن بەلسەندىرۋ مەن ونىمدەردىڭ ەگىن ەگۋدەن كەيىنگى شىعىندارىن ازايتۋ ماقساتىندا ۇيىمعا مۇشە مەملەكەتتەردە ازىق-ت ۇلىك جەتكىزۋدى ارتتىرۋ ءۇشىن "تابيعي" جانە "حالال" ونىمدەرىن ءوندىرۋ, وڭدەۋ مەن سەرتيفيكاتتاۋ جۇيەسىن جونگە سالۋىمىز قاجەت", دەدى ە.بايداۋلەت.

حالىقارالىق كونفەرەنتسيا ناتيجەسىندە ازىق-ت ۇلىك قاۋىپسىزدىگى جونىندەگى يسلام ۇيىمى جانە ساۋدا, ونەركاسىب جانە اۋىل شارۋاشىلىعىنىڭ يسلام پالاتاسى اراسىندا بىرلەسكەن ارەكەت تۋرالى جوسپارعا قول قويىلدى.

ايتا كەتەرلىگى, ازىق-ت ۇلىك قاۋىپسىزدىگى جونىندەگى يسلام ۇيىمى – يسلام ىنتىماقتاستىعى ۇيىمىنىڭ مامانداندىرىلعان مەكەمەسى. قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ 2011 جىلعى ماۋسىمدا وتكەن يىۇ سىرتقى ىستەر مينيسترلەرى كەڭەسىنىڭ 38-ءشى سەسسياسىندا ۇيىم قۇرۋ تۋرالى باستاما كوتەرگەن-ءدى. قازىرگى تاڭدا افريكا, ازيا, ەۋروپا مەن وڭتۇستىك امەريكانىڭ 34 مەملەكەتى ازىق-ت ۇلىك قاۋىپسىزدىگى جونىندەگى يسلام ۇيىمىنىڭ مۇشەلىگىنە ەنگەن.

اقيۇ-نىڭ ستراتەگيالىق ميسسياسى – مۇشە مەملەكەتتەردە الەۋمەتتىك-ەكونوميكالىق دامۋ جانە  اۋىل شارۋاشىلىقپەن, سونىمەن قاتار ساۋدا, عىلىم مەن تەحنولوگيامەن بايلانىستى ينۆەستيتسيالاردى جۇيەلىك جىلجىتۋ ارقىلى ازىق-ت ۇلىكتىڭ تۇراقتى قاۋىپسىزدىگىن  قامتاماسىز ەتۋ.