شىمكەنتتە ءۇش اۋىسىمدى مەكتەپتەر سانى بەسەۋگە ازايدى

سونىڭ ىشىندە 5-ەۋى جاڭا مەكتەپ بولسا, 3-ەۋى قوسىمشا قۇرىلىس. بۇلاردىڭ قاتارىندا بەكەت باتىر-تاشەنوۆ كوشەلەرىنىڭ قيىلىسىندا ورنالاسقان 1 ونەر مەكتەبى دە بار. 

ناتيجەسىندە, اپاتتى مەكتەپتەر سانى 2-دەن 1-گە, ءۇش اۋىسىمدى مەكتەپتەر سانى 19-دان 14-كە  ازايادى. 

2020 جىلى قالادا 13 ءبىلىم بەرۋ نىسانىنىڭ قۇرىلىسى جۇرسە, سونىڭ ىشىندە 4 مەكتەپ قۇرىلىسى كەلەر جىلعا جوسپارلانىپ وتىر. كارانتيندىك شەكتەۋلەرگە قاراماستان شىمكەنتتە سالىنىپ جاتقان الەۋمەتتىك نىساندار قۇرىلىسى كەستەگە ساي جۇرگىزىلۋدە. جالپى, نىسانداردىڭ قۇرىلىسىنا 620 جۇمىسشى جۇمىلدىرىلعان.

سونىمەن قاتار شىمكەنت قالاسىنىڭ ءبىلىم ۇيىمدارىندا اعىمداعى جوندەۋ اياقتالىپ, 15 مەكەمەدە كۇردەلى جوندەۋ, 17 مەكەمەدە سپورت الاڭدارى جانە 36 مەكتەپكە ىشكى اجەتحانالار ورناتىلىپ ىسكە قوسىلدى. ال مەكتەپ پارتالارى 18 000-عا جاڭارىپ, سوڭعى ۇلگىدەگى بەينە باقىلاۋ كامەرالارى مەن 30 مەكتەپكە تۋرنيكەتتەر ورناتۋ جوسپارلانۋدا.