رەسەي بۇرىن كسرو قۇرامىندا بولعان ءتورت ەلگە ەرەكشە جەڭىلدىكتەر قاراستىرادى. قازاقستان ءتورت ەلدىڭ تىزىمىنە ەندى. رەسەيدە فەدەرالدى زاڭ كۇشىنە ەندى, بۇل شەتەلدىكتەردىڭ ازاماتتىق الۋىن جەڭىلدەتەدى. ەندى ءوتىنىش بەرۋشىگە بۇرىنعى ازاماتتىقتان باس تارتۋدىڭ قاجەتى جوق, - دەپ حابارلايدى Egemen.kz ريا نوۆوستي تاراتقان اقپاراتقا سىلتەمە جاساپ.
كسرو ازاماتتىعى بار, پوستكەڭەستىك كەڭىستىك ەلدەرىندە ءومىر سۇرگەن جانە وسى مەملەكەتتەردىڭ ازاماتتىعىن الماعان ازاماتتىعى جوق ەرەسەكتەر ءۇشىن رەسەيدە ءۇش جىل بولۋ جانە زاڭدى ءومىر ءسۇرۋ كوزىن راستاۋ ءوتىنىم بەرۋ كەزىندە الىنىپ تاستالادى.
ءدال وسىنداي ەرەجە رەسەيدە تۇراتىن جانە وسى نەكەدە ورتاق بالالارى بار رەسەي فەدەراتسياسىنىڭ ازاماتىنا ۇيلەنگەن شەتەلدىكتەرگە جانە اتا-انالارىنىڭ ءبىرى رەسەي ازاماتتىعى بار جانە رەسەي فەدەراتسياسىندا تۇراتىن شەتەلدىكتەرگە قاتىستى قولدانىلادى.
مولدوۆا, ۋكراينا, بەلارۋس جانە قازاقستان ازاماتتارى رەسەيدە تۇرۋ مەرزىمىن ساقتاماي-اق رەسەي ازاماتتىعىنا ءوتىنىش بەرە الادى. رەسەي جوعارى وقۋ ورىندارىن بىتىرگەن ادامدار ءۇشىن رەسەي فەدەراتسياسىندا جۇمىس ىستەۋ مەرزىمى ءۇش جىلدان ءبىر جىلعا دەيىن قىسقاردى.
ەسكە سالايىق, رەسەي پرەزيدەنتى ۆلاديمير پۋتين ءتيىستى فەدەرالدى زاڭعا 2020 جىلدىڭ ساۋىرىندە قول قويعان.بۇرىن حابارلانعانداي, 2020 جىلعى قاڭتار-ناۋرىزدا قازاقستاننان 7 344 ادام كەتكەن, بۇل وتكەن جىلدىڭ سايكەس كەزەڭىمەن سالىستىرعاندا مىڭعا جۋىق ازامات.
قر ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتتەرى بويىنشا قازاقستانعا 4626 ادام كوشىپ كەلگەن. وسىلايشا, 2020 جىلعى قاڭتار-ناۋرىزدا رەسپۋبليكاداعى كوشى-قوننىڭ تەرىس سالدوسى 3 مىڭ ادامدى قۇرادى. كوشى-قون ستاتيستيكاسىنا سونىمەن بىرگە 16 ناۋرىزدا ەلدە توتەنشە جاعداي ەنگىزۋمەن بىرگە ەنگىزىلگەن قازاقستانعا كىرۋگە جانە شىعۋعا تىيىم سالۋ اسەر ەتتى. ەستەرىڭىزگە سالا كەتەيىك, ەلدەگى توتەنشە جاعداي 11 مامىرعا دەيىن جۇمىس ىستەگەن. 2019 جىلدىڭ سوڭىندا 45231 ادام قازاقستاننان كەتتى. سول جىلى ەلگە 12258 ادام كوشىپ كەلدى.