قازاقستاندا ىندەت ورشۋىنە بايلانىستى, ەۋروپادا تۇراتىن قانداستار بىرىگىپ, ەلگە اقشالاي كومەك جىبەرمەكشى, - دەپ حابارلايدى Egemen.kz قازاقستان ۇلتتىق ارناسىنا سىلتەمە جاساپ.
قازىر ەۋروپانىڭ 10 ەلىندە 10 مىڭداي قانداس تۇرادى. كوبى 50-جىلدارى تۇركيادان وسىندا قونىس اۋارعاندار. ولار ەلدە ىندەت ورشىگەنىن ەسىتىپ, بىرىگىپ ءتۇرلى كومەك تۇرلەرىن كورسەتۋگە بەل بۋعان.
فرانتسيا, يتالياداعى دارىگەر قازاقتار جەرلەستەرىنە ونلاين اقىل-كەڭەس بەرسە, گەرمانياداعى كاسىپكەر باۋىرلار جەدەل پوشتا ارقىلى اعايىنعا ءدارى-دارمەك جەتكىزدى. قازىر ەۋروپا قازاقتارى قاۋىمداستىعىنىڭ مۇشەلەرى بانكتەن ەسەپ-شوت اشىپ, دەمەۋقارجى جيناپ جاتىر. اقشالاي كومەك قازاقستانعا جاقىن كۇندەرى جىبەرىلەدى.