• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
قازاقستان 23 شىلدە, 2020

148 مىڭنان استام جۇمىس ورنى قۇرىلدى

401 رەت
كورسەتىلدى

جۇمىسپەن قامتۋدىڭ 2020-2021 جىلدارعا ارنالعان جول كارتاسى اياسىندا 6 295 جوبانى ىسكە اسىرۋ باستالىپ, ولار بويىنشا 148 مىڭ جۇمىس ورنى قۇرىلدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى, - دەپ جازادى Egemen.kz

جقجك اياسىندا جەرگىلىكتى اتقارۋشى ورگاندار ىسكە اسىرۋ ءۇشىن 6 696 جوبانى ىرىكتەپ الدى.

جقجك ينفراقۇرىلىمدىق جوبالارىن ىسكە اسىرۋ 4 نەگىزگى باعىت بويىنشا وتەدى:

– الەۋمەتتىك-مادەني نىسانداردى كۇردەلى جانە اعىمداعى جوندەۋ, رەكونسترۋكتسيالاۋ جانە سالۋ;

– تۇرعىن ءۇي-كوممۋنالدىق شارۋاشىلىق نىساندارىن كۇردەلى, ورتاشا جانە اعىمداعى جوندەۋ, رەكونسترۋكتسيالاۋ;

– ينجەنەرلىك-كولىك ينفراقۇرىلىمىن كۇردەلى, ورتاشا جانە اعىمداعى جوندەۋ, رەكونسترۋكتسيالاۋ جانە سالۋ;

– ەلدى مەكەندەردى اباتتاندىرۋ.

جقجك ينفراقۇرىلىمدىق جوبالارىن ىسكە اسىرۋ كەزىندە وتاندىق وندىرۋشىلەردىڭ كەمىندە 90% تاۋارلارى مەن قىزمەتتەرىن قولدانۋدى قامتاماسىز ەتۋ ەرەكشە شارت بولىپ تابىلادى. جۇمىسشىلاردىڭ كەم دەگەندە جارتىسى حالىقتى جۇمىسپەن قامتۋ ورتالىقتارى ارقىلى الىنىپ, باسىمدىق جۇمىسسىز جۇرگەن جاستارعا بەرىلەتىن بولادى. مەردىگەرلەر سانيتارلىق-ەپيدەميولوگيالىق شارالاردى قولدانا وتىرىپ, قاۋىپسىز ەڭبەك جاعدايىن قامتاماسىز ەتۋگە ءتيىس.

15 شىلدەدەگى جاعداي بويىنشا وڭىرلەردە 6 295 جوبا بويىنشا جۇمىس باستالدى, 148 مىڭنان استام جۇمىس ورنى قۇرىلدى, ونىڭ ىشىندە حالىقتى جۇمىسپەن قامتۋ ورتالىقتارى ارقىلى 77 مىڭ ادام جۇمىسقا ورنالاستى.

جقجك اياسىندا بارلىعى 255 مىڭ جۇمىس ورنىن اشۋ جوسپارلانۋدا. بۇل رەتتە  جقجك جوبالارى بولاشاقتا 100 مىڭنان استام تۇراقتى جۇمىس ورنىن اشۋعا نەگىز بولادى.

ەستەرىڭىزگە سالا كەتەيىك, 14 مامىردا قر پرەزيدەنتىنىڭ تاپسىرماسىنا سايكەس جول كارتاسىنا كەلەسى وزگەرىستەر ەنگىزىلدى:

– جەرگىلىكتى اتقارۋشى ورگاندار ينفراقۇرىلىمدىق جوبالاردى ىسكە اسىرۋ شەڭبەرىندە اقپاراتتىق-ءتۇسىندىرۋ جۇمىستارىن جۇرگىزۋ, جۇمىسكەرلەردى مەديتسينالىق تەكسەرۋ, جيناۋ جانە جۇمىس ورنىنا دەيىن تاسىمالداۋ ءۇشىن ءموبيلدى رەكرۋتتىك پۋنكتتەر ۇيىمداستىرۋدى قامتاماسىز ەتۋگە ءتيىس;

- ينفراقۇرىلىمدىق جوبالاردى ىسكە اسىرۋعا قاتىسۋ ءۇشىن حالىقتى جۇمىسپەن قامتۋ ورتالىقتارى جىبەرگەن, باسقا ەلدى مەكەندەردەن كەلگەن جۇمىسسىزدارعا ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭمەن بەلگىلەنگەن ەكى ەڭ تومەنگى جالاقى مولشەرىندە بىرجولعى ماتەريالدىق كومەك («كوتەرمە») بەرىلۋگە ءتيىس.

بۇدان باسقا, ورتالىق جانە جەرگىلىكتى اتقارۋشى ورگانداردىڭ, سونداي-اق جقجك ىسكە اسىرۋعا جاۋاپتى ۇيىمداردىڭ قىزمەتىن ۇيلەستىرۋ ءۇشىن حالىقتى جۇمىسپەن قامتۋ ماسەلەلەرى جونىندەگى ۆەدومستۆوارالىق كوميسسيا (بۇدان ءارى-ۆاك) قۇرىلدى. ۆاك وتىرىستارىنىڭ شەڭبەرىندە وڭىرلەر جانە رەسپۋبليكالىق بيۋدجەتتىك باعدارلامالار اكىمشىلەرى بولىنىسىندە قارجىلاندىرۋ ليميتتەرىن ايقىنداۋ بويىنشا ۇسىنىستار ازىرلەندى, جقجك شەڭبەرىندە ينفراقۇرىلىمدىق جوبالاردىڭ تىزبەسى قارالدى جانە بەكىتىلدى.

سوڭعى جاڭالىقتار