پاندەميا باستالعالى ەلىمىزدە 18-گە تولماعان 2000-عا جۋىق بالا قاۋىپتى ۆيرۋس جۇقتىرعان. بىراق بالالاردىڭ كوبىندە اۋرۋ بەلگىلەرى بايقالماعان. قازىر اۋرۋحانادا 100-دەن استام بالا ەم الىپ جاتىر, - دەپ حابارلايدى Egemen.kz قازاقستان ۇلتتىق ارناسىنا سىلتەمە جاساپ.
قازىر بالالاردىڭ جاعدايى بىرقالىپتى, اۋرۋ جەڭىل وتۋدە, دەيدى دارىگەرلەر. دەگەنمەن, كوروناۆيرۋس جۇقتىرعان بالاقايلار دا ءتيىستى سانيتارلىق نورمالاردى ساقتاعانى ءجون. ويتكەنى, ولار دا ۆيرۋس تاسىمالداۋشى بولۋى مۇمكىن.
62% قازاقستاندىق بالالاردا كورونوۆيرۋس جۇقپالى اۋرۋى سيمپتومسىز وتكەن. 26 پروتسەنتىندە جەڭىل وتكەن. 8% اۋرۋ - ورتاشا, 4% - اۋىر تۇردە بايقالعان. اۋىر تۇردە ءوتۋ سەبەبى, بالالارداعى بۇرىننان كەلە جاتقان سوزىلمالى اۋرۋلار.
ال كۇزدە-قىستا بالالار اراسىندا وزگە دە ۆيرۋستىق ينفەكتسيالاردىڭ ءورشيتىنى بەلگىلى. كوپ جاعدايدا اۋرۋ اسقىنىپ, پنەۆمونياعا الىپ كەلەدى. سوندىقتان قاۋىپتى كەزەڭدە ولاردى وقشاۋلاپ, جۇقپالى دەرتتەن قورعاۋ ءۇشىن ۇكىمەت قاشىقتان وقىتۋ تۋرالى شەشىم قابىلداعان بولاتىن.