بۇل تەحنولوگيا قالدىقتاردى ورتەۋ ارقىلى ەلەكتر ەنەرگياسىنا اينالدىرۋدى قامتاماسىز ەتەدى. مينيسترلىك كەلەسى جىلى وسىنداي زاۋىتتاردى سالۋ ءۇشىن اۋكتسيوندار وتكىزۋدى جوسپارلاپ وتىر, دەپ حابارلادى بۇگىن ەكولوگيا ءمينيسترى ماعزۇم مىرزاعاليەۆ نۇر-سۇلتانداعى بريفينگتە.
"مەملەكەت باسشىسىنىڭ "Waste to energy" تەحنولوگياسىن زاڭ جۇزىندە ەنگىزۋ تۋرالى تاپسىرماسىنا كەلەتىن بولساق, مينيسترلىك ءتيىستى زاڭ جوباسىن دايىنداپ, ونى ءماجىلىس ماقۇلدادى. ول كۇزدە پارلامەنت سەناتىندا قارالادى, - دەدى مينيستر. - مەن بىرنەشە رەت اتاپ وتكەنىمدەي, بىزدە ورتا ەسەپپەن, بۇكىل رەسپۋبليكا بويىنشا قالدىقتاردى قايتا وڭدەۋ ۇلەسى وتە تومەن. بارلىعى 15%. ەۋروپا ەلدەرىندە بۇل كورسەتكىش 2 ەسە جوعارى - ورتاشا ەسەپپەن 30%. جاسىل ەكونوميكا تۇجىرىمداماسى بويىنشا ءبىز 2030 جىلعا قاراي بۇل كورسەتكىشتى 40%-كە جەتكىزۋىمىز كەرەك".
الايدا, ءمينيستردىڭ ايتۋىنشا, بۇگىندە قازاقستانداعى قوقىس شىعارۋ ءتاريفى تومەن ءارى قاتتى تۇرمىستىق قالدىقتاردى وڭدەۋ مەن جويۋ شىعىندارى ەسكەرىلمەگەن. سوندىقتان بۇل سالاعا جەكە ينۆەستورلار كەلە قويمايدى.
وسى رەتتە "Waste to energy" تەحنولوگياسى جەكە ينۆەستورلاردى قىزىقتىرۋى مۇمكىن. سەبەبى, قالدىقتاردى جاعۋ ناتيجەسىندە ەلەكتر قۋاتى وندىرىلىپ, جالپى ەلەكتر جۇيەسىنە ساتىلادى. كەلەسى جىلى ءبىز وسىنداي زاۋىتتار سالۋ ۇشىن ينۆەستورلار اراسىندا العاشقى اۋكتسيوندار وتكىزۋدى جوسپارلاپ وتىرمىز. كىم ەلەكتر قۋاتىنىڭ ەڭ تومەن باعاسىن ۇسىنسا, سول اۋكتسيوننىڭ جەڭىمپازى بولادى», - دەدى مينيستر.
سونىمەن قاتار, زاڭ جوباسىندا بۇل قوقىس ورتەيتىن زاۋىتتاردىڭ «ونەركاسىپتىك قالدىقتار تۋرالى» ەۋروپالىق ديرەكتيۆاسىنىڭ تالاپتارىنا سايكەس جۇمىس ىستەۋى كوزدەلىپ وتىر. م.مىرزاعاليەۆتىڭ ايتۋىنشا, ەۋروپادا مۇنداي زاۋىتتارداعى قالدىقتاردىڭ كورسەتكىشى تومەن. ماسەلەن, ۆەنادا شپيتتەلاۋ قوقىس ورتەۋ زاۋىتىندا ديوكسيننىڭ قالدىقتارىجىلىنا 1 گرامم عانا.
ء«بىز وسىنداي زاۋىتتاردى رەسپۋبليكانىڭ 6 پيلوتتىق قالاسىندا ىسكە قوسۋدى جوسپارلاپ وتىرمىز. بۇل اقتوبە, الماتى, اتىراۋ, نۇر-سۇلتان, تاراز جانە شىمكەنت قالالارى. بولاشاق ينۆەستورلارمەن جۇمىس باستالىپ تا كەتتى. قازىرگى ۋاقىتتا ءبىزدىڭ مينيسترلىك بۇل ماسەلەنى اكىمدىكتەرمەن جەر ۋچاسكەلەرى, ينفراقۇرىلىم جانە قالدىقتاردى كەپىلدى تيەۋ بويىنشا پىسىقتاۋدا», - دەدى ماعزۇم مىرزاعاليەۆ.