بالالاردىڭ تاماقتانۋىن ۇيىمداستىرۋعا بايلانىستى كورسەتىلەتىن قىزمەتتەردى, تاۋارلاردى جەتكىزۋشىلەردى تاڭداۋ جونىندەگى كونكۋرستىق راسىمدەر ەلەكتروندىق فورماتقا اۋىستىرىلدى جانە مەملەكەتتىك ساتىپ الۋدىڭ بىرىڭعاي پورتالىندا جۇرگىزىلەد, - دەپ حابارلايدى Egemen.kz.
جاڭا ەرەجەلەر بالالارعا ساپالى ءارى جەدەل قىزمەت كورسەتۋ ماسەلەلەرىن (مەكتەپ اسحانالارىنداعى كەزەك, تاعامداردىڭ تەمپەراتۋرالىق رەجيمى جانە ت.ب.) شەشۋگە مۇمكىندىك بەرەدى.
مەكتەپ اسحانالارىندا بالالاردىڭ تاماقتانۋىن اتا-انالار باقىلاۋدا ۇستاۋعا مۇمكىندىك بەرەتىن قولما-قول اقشاسىز ەسەپ ايىرىسۋ ەنگىزىلەدى.
مەكتەپ اسحانالارىنىڭ اس بلوكتارىندا تاماق دايىنداۋ پروتسەسىن كورۋگە مۇمكىندىك بەرەتىن بەينەباقىلاۋ كامەرالارى ورناتىلادى.
اتا-انالار مەن بالالاردى اقپاراتتاندىرۋ ءۇشىن ءبىلىم بەرۋ ۇيىمدارىنىڭ ينتەرنەت-رەسۋرستارىندا, "كۇندەلىك" جۇيەسىندە اس ءمازىرى, تاماقتىڭ فوتوسۋرەتتەرى جانە ت. ب. قوسا بەرىلىپ, وقۋشىلاردىڭ تاماقتانۋىن ۇيىمداستىرۋ تۋرالى اقپارات جۇيەلى تۇردە ورنالاستىرىلاتىن بولادى.