بۇگىن مادەنيەت جانە سپورت مينيسترلىگى سىرتقى ىستەر مينيسترلىگىنىڭ جانە قازاقستان رەسپۋبليكاسىنىڭ اقش-تاعى ەلشىلىگىنىڭ قولداۋىمەن اقش-تان كەلگەن مادەني قۇندىلىقتارىمىز ۇلتتىق مۋزەيگە قايتارىلدى, دەپ حابارلايدى Egemen.kz
كەلىسسوزدەر ناتيجەسىندە 2005 جىلى پرەزيدەنتتىك مادەني ورتالىق (استانا قالاسى) قورىنان عىلىمي زەرتتەۋلەر جۇرگىزۋ ءۇشىن اقش-قا جىبەرىلگەن بوتاي مادەنيەتىنىنىڭ وستەولوگيالىق كوللەكتسيالارى ەلگە قايتارىلدى. زەرتتەۋ جۇمىستارىن جاراتىلىس تاريحى مۋزەيىنىڭ پروفەسسورى, كانزاس ۋنيۆەرسيتەتى بيوالۋانتۇرلىلىك ينستيتۋتىنىڭ ارحەولوگيا ءبولىمىنىڭ اعا كۋراتورى, دوكتور ساندرا ولسەن جۇرگىزگەن.
كوللەكتسيا 2000-2004 جىلدار ارالىعىندا اقمولا وبلىسىنىڭ اۋماعىنداعى ۆاسيلكوۆكا جانە كراسنىي يار قورىمدارىندا جۇرگىزىلگەن ارحەولوگيالىق زەرتتەۋلەر ناتيجەسىندە تابىلعان. بۇل مادەني جادىگەرلەر بوتاي مادەنيەتىنە جاتاتىن 528 ارحەولوگيالىق زاتتان تۇرادى.
بوتاي مادەنيەتى – ج.س.د. 3700-3100 جىلدارى قازاقستاننىڭ سولتۇستىگىندە (اقمولا وبلىسى) ەنەوليت ءداۋىرىنىڭ ارحەولوگيالىق جاۋھارى ىسپەتتەس.