ەندى م ۇلىكتى سوڭعى وتكىزگەن سوت ورىنداۋشى باسقا سوت ورىنداۋشىلارىنىڭ بارلىق تىيىم سالۋلارىنىڭ كۇشىن جويادى دەپ حابارلايدى ادىلەت مينيسترلىگىنىڭ ءباسپاسوز قىزمەتى.
اعىمداعى جىلعى 27 ماۋسىمدا قازاقستان رەسپۋبليكاسىنىڭ پرەزيدەنتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اتقارۋشىلىق ءىس جۇرگىزۋدى جانە قىلمىستىق زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى.
بورىشكەردىڭ مۇلكىنە ءارتۇرلى اتقارۋشىلىق ءىس جۇرگىزۋ شەڭبەرىندە ەكى جانە ودان دا كوپ سوت ورىنداۋشىلارى تىيىم سالۋى مۇمكىن. بۇرىن مۇنداي جاعدايلاردا ادال ساتىپ الۋشى ءاربىر سوت ورىنداۋشىسىنا ءوزىنىڭ تىيىم سالۋلارىن الۋى ءۇشىن جۇگىنۋگە تۋرا كەلەتىن. كەيدە سوت ورىنداۋشىلارى باس تارتىپ, ساتىپ الۋشى سوتقا جۇگىنۋگە ءماجبۇر بولاتىن.
ەنگىزىلگەن جاڭا تۇزەتۋلەرگە سايكەس م ۇلىكتى ساۋدا-ساتتىقتا وتكىزگەن سوت ورىنداۋشىسى وسىنداي م ۇلىكتەن بارلىق تىيىم سالۋلاردى, سونىڭ ىشىندە باسقا سوت ورىنداۋشىلارىنىڭ تىيىم سالۋلارىن دا جويۋعا مىندەتتى.
ايتا كەتۋ كەرەك, تىيىم سالىنعان م ۇلىكتى ساتۋ بويىنشا بىرىڭعاي ەلەكتروندىق ساۋدا الاڭى ارقىلى https://etp.adilet.gov.kz/ 2020 جىلدىڭ I جارتىجىلدىعىندا 25 495 676 920 تەڭگە سوماسىنا 1530 لوت ساتىلدى, ال 2019 جىلدىڭ وسىنداي كەزەڭىندە جالپى سوماسى 18 423 227 050 تەڭگەنى قۇرايتىن 1415 لوت ساتىلدى.
ەستەرىڭىزگە سالا كەتەيىك, زاڭ العاش رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ 2020 جىلدىڭ 8 شىلدەسىندە كۇشىنە ەندى.