ەپيدەميالىق احۋالعا بايلانىستى قازالى اۋداندىق پوليتسيا ءبولىمىنىڭ قىزمەتكەرلەرى كۇندەلىكتى رەيدكە شىعىپ, كارانتين تالاپتارىن بۇزعانداردى انىقتاپ وتىر. اسىرەسە, تۇرعىندار اراسىندا جاسىرىن توي جاساۋشىلار كوبەيىپ وتىرعان كورىنەدى, دەپ جازادى Egemen.kz
وسىعان دەيىن ەسكەرتۋگە قاراماي, جۇرتتىڭ باسىن قوسىپ, قۋانىشىن اتاپ وتپەك بولعان 2 تۇرعىننان تۇسىنىك الىنىپ, ءتيىستى قۇزىرلى ورگانعا جولدادى.
پوليتسيا ءبولىمىنىڭ قىزمەتكەرلەرى اۋدان بويىنشا 5 ازىق-ت ۇلىك دۇكەنىندە ساتۋشىلاردىڭ مەديتسينالىق ماسكاسىز جانە ارنايى قولعاپسىز ساۋدا-ساتتىق جاساعانىن انىقتادى.
سونداي-اق 20 شىلدە كۇنى اۋدان اكىمدىگى جانىنان قۇرىلعان موبيلدىك توپ ايتەكە بي كەنتىندە توي جاساپ جاتقان تۇرعىندى انىقتاپ, پوليتسيا ءبولىمىنىڭ قىزمەتكەرلەرىن شاقىردى. سونىمەن قاتار, كارانتيندىك شەكتەۋلەرگە قاراماستان جۇمىسىن جالعاستىرعان كافە يەسىنەن تۇسىنىكتەمە الىنىپ, ءتيىستى قۇزىرلى ورگانعا زاڭ جۇزىندە شەشىم قابىلداۋ ءۇشىن جولدادى.