وسى ۋاقىتقا دەيىن ەلىمىزدىڭ كوپتەگەن قالالارىنىڭ قوعامدىق كولىك جۇيەسىنە ەنگىزىلگەن تەحنولوگيانىڭ سوڭعى جاڭالىقتارى تارازعا دا كەلىپ جەتتى, دەپ حابارلايدى Egemen.kz
اعىمداعى جىلدىڭ 1 تامىزىنان باستاپ تاراز قالاسىنداعى قوعامدىق كولىكتەردىڭ سالوندارىنا ەلەكتروندى جول ءجۇرى كارتاسى ارقىلى تولەم جاساۋعا ارنالعان ۆاليداتورلار مەن تەرمينالدار كەزەڭ-كەزەڭىمەن ورناتىلاتىن بولادى.
تاراز قالالىق اكىمدىگىنىڭ مالىمەتىنشە, قالا اۋماعىنداعى قوعامدىق كولىكتەردە جول ءجۇرۋ ءۇشىن بارلىق جولاۋشىلارعا ەلەكتروندىق كارتا ارقىلى تولەۋ كەزىندە جول اقىسى 65 تەڭگە, ال مەكتەپ وقۋشىلارىنا 30 تەڭگە بولىپ وتىر.
ال ەلەكتروندى كارتاسى جوق ازاماتتار ءۇشىن قولما-قول جول اقىسىن تولەۋ قۇنى 130 تەڭگەنى قۇرايدى. تۋرا وسىنداي جاعداي مەكتەپ وقۋشىلارى ءۇشىن 65 تەڭگە بولىپ بەكىتىلگەن. بۇگىنگى تاڭدا قالا اكىمدىگى SAPARCARD ەلەكتروندى جول ءجۇرۋ تولەم كارتالارىن اڭىمداعى جىلعى 27 شىلدەدەن باستاپ ساتىلاتىنىن مالىمدەدى.
ايتا كەتۋ كەرەك, كارتالاردىڭ جارامدىلىق مەرزىمى شەكتەلمەگەن. اتالعان جول ءجۇرۋ كارتالارىن تاراز قالاسىنداعى مامبەت باتىر كوشەسىندەگى "اۋىل-بەرەكە", "بەك" بازارلارىنىڭ, ب.مومىش ۇلى كوشەسىندە ورنالاسقان "قايقارمەت" بازارىنىڭ ايالداماسىندا جانە بايزاق باتىر كوشەسىنىڭ بويىنداعى "تەمىر جول" ديسپەتچەرلىك پۋنكتى سياقتى كوپشىلىككە بەلگىلى ورىنداردان ساتىپ الۋعا بولادى.
جامبىل وبلىسى