"نۇرلى جەر" باعدارلاماسى اياسىندا بيىل العاشقى 6 ايدا ەلىمىزدە 47 مىڭ باسپانا پايدالانۋعا بەرىلدى. ونىڭ 3700-ءى مەملەكەتتىك ينۆەستيتسيالار ەسەبىنەن سالىنعان. بۇل تۋرادى يدم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
جىل سوڭىنا دەيىن تاعى 100 مىڭنان استام قازاقستاندىققا پاتەر كىلتى تاپسىرىلادى دەپ جوسپارلانعان. جالپى, تۇرعىن ءۇي قۇرىلىسىنا 688 ميلليارد تەڭگە ينۆەستيتسيا سالىنادى دەگەن بولجام بار.
كورسەتىلگەن قولداۋدىڭ اشىقتىعىن قامتاماسىز ەتۋ ماقساتىندا بيىل ءتىزىمىنىڭ بىرىڭعاي رەسپۋبليكالىق بازاسى ىسكە قوسىلدى. وسىلايشا, بيىل 6 ناۋرىز بەن 1 ماۋسىمعا دەيىنگى ارالىقتا اكىمدىكتەر 32 309 ازاماتتى كەزەكتەن شىعاردى. قازىر باسپانا كەزەگىندە 529 610 ادام تۇر.
مەملەكەت باسشىسىنىڭ تاپسىرماسىن جۇزەگە اسىرۋ ماقساتىندا تۇرعىن ءۇي قۇرىلىس جيناق بانكى نەگىزىندە «وتباسى بانكى» تولىققاندى دامۋ جانە قولداۋ مەكەمەسىن قۇرىپ, مىندەتتى جيناقتاۋ جۇيەسىن ەنگىزۋ ارقىلى تۇرعىن ءۇي ساياساتىن دامىتۋ شارالارى ازىرلەنۋدە. سونداي-اق, 2020 جىلدىڭ اياعىنا دەيىن «وتباسى بانكى» مەملەكەتتىك دەرەكتەر بازاسى قولجەتىمدى بولادى.
قازىرگى ۋاقىتتا تۇرعىن ءۇي ماسەلەلەرىن شەشۋ جولدارىن ازىرلەۋ ءۇشىن جاڭا تەتىك ەنگىزۋ ۇسىنىلادى: جەكە تۇرعىن ءۇي قورىندا جالعا بەرىلگەن تۇرعىن ءۇي ءۇشىن تولەمدى سۋبسيديالاۋ, 5 جىلعا جالداۋ اقىسىنىڭ 90% سۋبسيديالاۋ ۇسىنىلادى. ەگەر بۇل تەتىك ىسكە اسىرىلسا, 94 مىڭ وتباسىعا قولداۋ كورسەتىلەدى.
بۇگىنگى تاڭدا رەسپۋبليكا بويىنشا 6,5 مىڭعا جۋىق اۋىلدىڭ 3,5 مىڭىنىڭ ودان ءارى دامۋ مۇمكىندىكتەرى زور. سونىمەن قاتار, جۇمىس بەرۋشى شىعىندارىن سۋبسيديالاۋ ارقىلى اۋىل شارۋاشىلىعى جۇمىسشىلارىن قولجەتىمدى باسپانامەن قامتاماسىز ەتۋ تەتىگىن قاراستىرۋ ۇسىنىلادى. ول ءۇشىن جۇمىس بەرۋشىلەر تيپتىك جوبا بويىنشا تۇرعىن ءۇيدى ءوز قاراجاتى ەسەبىنەن سالۋ كەرەك. ءوز كەزەگىندە مەملەكەت ءۇيدىڭ بەلگىلەنگەن قۇنىنىڭ 50% رەسپۋبليكالىق بيۋدجەتتەن سۋبسيديالايدى.
شالعايداعى ەلدى مەكەندەرگە باسا نازار اۋدارۋ قاجەت. بۇل بولاشاقتا بىلىكتى مامانداردى اۋىلدىق جەرلەرگە تارتۋعا مۇمكىندىك بەرەدى. اتالعان مەحانيزمدى ىسكە اسىرۋ اۋىلدىق جەرلەردە ءومىر سۇرۋگە دەگەن قىزىعۋشىلىقتى ارتتىرادى. جاستاردىڭ اۋىلدارعا ورالۋىن جەڭىلدەتەدى جانە سول ارقىلى اۋىل تۇرعىندارىنىڭ تۇراقتاۋىن قامتاماسىز ەتەدى.
قالالار مەن اۋىلداردى ساپالى سۋمەن جابدىقتاۋ جانە كارىز جۇيەسى قىزمەتتەرىمەن قامتاماسىز ەتۋ ماقساتىندا 111 ميلليارد تەڭگەگە 315 جوبا جۇزەگە اسىرىلۋدا. 2020 جىلدىڭ ءبىرىنشى جارتىجىلدىعىندا وڭىرلەرگە 44,1 ملرد. تەڭگە قاراستىرىلعان. اۋىل تۇرعىندارىن سۋمەن جابدىقتاۋ قىزمەتتەرىمەن قامتاماسىز ەتۋ بويىنشا جۇرگىزىلىپ جاتقان شارالار تۋرالى جانە كورسەتىلەتىن قىزمەتتەردىڭ اشىقتىعى تۋرالى حالىقتى اقپاراتتاندىرۋ ءۇشىن ينتەراكتيۆتى كارتا جاسالدى. وندا ءار اۋىلدىڭ دەرەكتەرى كورسەتىلگەن, ونىڭ ىشىندە: حالىققا قىزمەت كورسەتۋ, ونى ۇيىمداستىرۋ, جەلىلەردىڭ ۇزىندىعى, سالۋ جانە قايتا قۇرۋ كەزەڭى كورسەتىلگەن.
تۇرعىن ءۇي-كوممۋنالدىق شارۋاشىلىعىن جاڭعىرتۋ ماقساتىندا 9,4 ملرد. تەڭگەگە 6 جوبا جۇزەگە اسىرىلۋدا. تۇتاستاي العاندا, قابىلدانعان شارالار كوممۋنالدىق جەلىلەردىڭ توزۋىن 55% دەيىن تومەندەتەدى.
سونىمەن بىرگە مەملەكەت باسشىسىنىڭ تاپسىرماسى بويىنشا كارانتين ەنگىزىلگەن ەلدى مەكەندەردىڭ ازاماتتارىنا كوممۋنالدىق شىعىنداردى وتەۋ تەتىكتەرى جاسالدى. بۇگىنگى تاڭدا كوممۋنالدىق قىزمەتتەرگە اقى تولەۋ شىعىندارى 720 مىڭ قازاقستاندىققا قايتارىلدى.
قۇرىلىس يندۋسترياسىن قولداۋ ماقساتىندا وتاندىق قۇرىلىس يندۋسترياسىن دامىتۋ بويىنشا شارالار قابىلدانۋدا. بۇگىنگى تاڭدا تۇرعىن ءۇي جانە وندىرىستىك عيماراتتار, الەۋمەتتىك نىساندار, ينفراقۇرىلىمدار قۇرىلىسىندا 934 ملرد تەڭگەگە نەگىزگى ماتەريالداردىڭ قۇرىلىس ونىمدەرى قاجەت.
وتاندىق كاسىپورىندار 586 ملرد تەڭگەگە قۇرىلىس ماتەريالدارىن شىعارادى, ال 348 ملرد. تەڭگەگە يمپورتتالادى. 33 جاڭا جوبا ىسكە اسىرىلۋدا, ونىڭ 25 جوباسى 2020 جىلى ەنگىزىلەدى. ناتيجەسىندە يمپورت ۇلەسى 15% -عا تومەندەيدى جانە تۇرعىن ءۇي قۇرىلىسىندا قازاقستاندىق ءونىمدى پايدالانۋ 90%-عا دەيىن ارتادى.
قۇرىلىس پروتسەستەرىنىڭ ساپاسى مەن اشىقتىعىن باقىلاۋ ءۇشىن "ە-قۇرىلىس" جۇيەسى ەنگىزىلۋدە. بۇل باقىلاۋ مەن جانە تەكسەرۋلەردى قىسقارتىپ, مەملەكەتتىك فۋنكتسيالاردىڭ ەداۋىر بولىگىن اۆتوماتتاندىرۋعا مۇمكىندىك بەرەدى. بۇدان ءارى "ە-قۇرىلىس" جۇيەسى قۇرىلىس يندۋسترياسىنىڭ بارلىق سۋبەكتىلەرى ءۇشىن بىرىڭعاي ونلاين الاڭعا اينالادى.
بۇگىنگى كۇنى وسى جۇيەنى تەستىلەۋ اياسىندا "ە-قۇرىلىس" جۇيەسىنىڭ اتريبۋتى بولىپ تابىلاتىن مەملەكەتتىك ارحيتەكتۋرا-قۇرىلىس باقىلاۋ ورگاندارىنا تەحنيكالىق بايقاۋلاردىڭ اي سايىنعى ەسەپتەرىن بەرۋدى اۆتوماتتاندىرۋ بويىنشا جۇمىس اياقتالدى. بۇل جۇيە قولدانىسقا 2021 جىلدىڭ سوڭىندا بەرىلەدى دەپ جوسپارلانعان.
تۇرعىن ءۇي-كوممۋنالدىق ينفراقۇرىلىمىن باقىلاۋ جانە باسقارۋ پروتسەسىن قامتاماسىز ەتۋ ءۇشىن E-SHANYRAQ اقپاراتتىق جۇيەسى ەنگىزىلۋدە. مۇنداي ەكوجۇيەنىڭ جۇمىس ىستەۋى كوممۋنالدىق قىزمەتتەردىڭ اشىقتىعىن جانە تۇرعىنداردىڭ باسقارۋشى كومپانيالارمەن قارىم-قاتىناسىن قامتاماسىز ەتەدى. ورتالىقتاندىرىلعان مالىمەتتەر جيناۋ جانە E-SHANYRAQ اقپاراتتىق جۇيەسىندە دەرەكتەردى ساقتاۋ تۋرالى ەرەجەلەر بەكىتىلدى.
سونداي-اق جالپىۇلتتىق ءىس-شارالار جوسپارىنىڭ 77-تارماعىن ىسكە اسىرۋ اياسىندا تۇرعىن ءۇي قۇرىلىسى جانە قوسىلۋدىڭ ەنشىلەس كومپانيالارىن قۇرۋ ارقىلى تۇرعىن ءۇي باعدارلامالارىنىڭ وپەراتورلارىن قىسقارتۋ تۋرالى زاڭ جوباسى جاسالىپ, وعان قول قويىلدى.
زاڭدى ىسكە اسىرۋ ءۇشىن قازاقستان رەسپۋبليكاسى پرەمەر-ءمينيسترىنىڭ بۇيرىعىنىڭ جوباسى ازىرلەندى.ونىڭ اياسىندا ۇستىمىزدەگى جىلدىڭ قىركۇيەك ايىنىڭ سوڭىنا دەيىن 22 قۇقىقتىق اكتىنى قابىلداۋ جوسپارلانعان, ونىڭ ىشىندە مينيسترلىكتىڭ قۇزىرەتىندەگى 5 قاۋلى جانە 14 بۇيرىق بار.