ەلىمىزدە توتەنشە جاعداي جاريالانعاننان باستاپ قازالى اۋدانىندا اۋرۋدىڭ الدىن الۋ جانە جۇقپالى ىندەتتىڭ تارالماۋى ءۇشىن كوپتەگەن جۇمىستار قولعا الىندى. جاقىندا اۋداندىق بيۋدجەتتەن بولىنگەن قارجىعا 5 وتتەگى كونتسەنتراتورى ساتىپ الىندى. ونىڭ ۇشەۋىن اۋدان اكىمىنىڭ ورىنباسارى ءالىبي ابيەۆ اۋدانارالىق اۋرۋحانا ۇجىمىنا تابىس ەتتى, دەپ حابارلايدى Egemen.kz
– بۇگىنگى كۇنى ەلىمىزدە ءورشىپ تۇرعان COVID-19 ينفەكتسياسى مەن پنەۆمونيانى ەمدەۋدە بۇل قۇرىلعىنىڭ ماڭىزى زور. وسىنداي قىسىلتاياڭ ساتتە دارىگەرلەرگە قولداۋ كورسەتىپ جاتقان اۋدان اكىمى مۇرات ەرگەشباەۆقا ريزاشىلىعىمىزدى بىلدىرەمىز. اۋدان باسشىسى بۇعان دەيىن دە كۇنى-ءتۇنى اۋرۋمەن ارپالىسىپ جاتقان اق حالاتتىلارعا كومەگىن اياعان ەمەس, دەيدى اۋرۋحانا دارىگەرىنىڭ باس دارىگەرى مىندەتىن اتقارۋشى باقىتكۇل الىشەۆا.
مۇنان سوڭ اۋدان اكىمىنىڭ ورىنباسارى تەمىرجول اۋرۋحاناسىنا بارىپ, دارىگەر قۇبىل رشىمبەتوۆ باستاعان مەديتسينا قىزمەتكەرلەرىنە 2 دانا وتتەگى كونتسەنتراتورىن تابىستادى.
ايتا كەتەيىك, ءبىر ادامعا ارنالعان "Armed" 7F-3L وتتەگى كونتسەنتراتورى مينۋتىنا 3 ليتر, ساعاتىنا 180 ليتر وتتەگى وندىرەدى. بۇل اپپاراتتىڭ تاعى ءبىر تيىمدىلىگى 24 ساعات بويى جۇمىس ىستەي بەرەدى.