جەتكىلىكتى قور جاساقتالدى

وڭىرلىك كوممۋنيكاتسيالار قىزمەتىندە وتكەن بريفينگتە وسىنداي دەرەكتەردى كەلتىرگەن وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆ قازىرگى تاڭدا ناۋقاستار ارنايى حاتتاما بو­يىنشا ەم قابىلداپ جاتقانىن مالىمدەدى. سونداي-اق دارىلەردىڭ كەلۋىن جانە ءتيىستى مەكەمەلەرگە دۇرىس تاراتىلۋىن, ءدارىحانالاردا بەلگىلەنگەن باعادا ساتىلۋىن قاداعالايتىن ارنايى شتاب قۇرىلعانىن جەتكىزدى. قازىر كۇندەلىكتى قويمادان دارىلەردىڭ اۋرۋحانالار مەن دارىحانالارعا ۇلەستىرۋ, سونداي-اق ساتىلۋ باعاسىنا مونيتورينگ جۇمىستارى جۇرگىزىلۋدە. وسى اپتانىڭ سوڭىنا دەيىن وڭىردە 22 ءتۇرلى ءدارى-دارمەكتىڭ 128 مىڭنان استام داناسى ءدارىحانا سورەلەرىنە ساتىلىمعا شىعادى. بۇدان بولەك, تۇركيا ەلىنەن وبلىسقا 41 ءتۇرلى ەۋروپالىق ساپاسى جوعارى دارىلىك زاتتار جەتكىزىلدى. وبلىستاعى ءدارى-دارمەك جەتىسپەۋشىلىگىن جويۋ ماقساتىندا وتكەن اپتادا تۇركىستان قالاسىنا 136 ءتۇرلى 2 توننا ءدارى-دارمەك كەلسە, كەشە 20 ملن تەڭگەگە 140 ءتۇرلى دارىلىك پرەپاراتتار جەتكىزىلدى. دارىحاناعا تۇسكەن دارىلەر شەكتى باعامەن ساتىلادى. بۇل پروتسەستى ارنايى مونيتورينگتىك توپ باقىلايدى. ءدارى-دارمەكتەر جەرگىلىكتى اكىمدىكتەرمەن مەموراندۋمعا وتىرعان 153 دارىحاناعا تاراتىلادى. مەموراندۋمدا اكىمدىك پەن ءدارىحانا مىندەتتەمەلەرى ايقىن كورسەتىلگەن. ياعني اۋدان-قالا اكىمدىكتەرى مەديتسينالىق زاتتار مەن دارىلىك پرەپاراتتاردىڭ ساتى­لىمعا شىعۋىن ۇيلەستىرەدى جانە باقى­لاي­دى. انتيبيوتيكتەر مەن انتيكواگۋليانتتار دارىگەر جازىپ بەرگەن رەتسەپت بو­يىنشا عانا بوساتىلسا, وزگە دارىلەر دە ءبىر ادامعا ەكى دانادان عانا ساتىلادى. ءدارى­حا­نا يەسى دەنساۋلىق ساقتاۋ مينيستر­لى­گى بەكىتكەن حاتتاماعا سايكەس ساتىلىمداعى دارىلىك زاتتىڭ 41 اتاۋى جانە شەكتى باعاسى جازىلعان ءتىزىمدى دارىحاناعا ادام كوزىنە بىردەن تۇسەتىن جەرگە ءىلىپ قويۋى ءتيىس.

تۇركىستان وبلىسى