پاۆلودارداعى "Nur Otan" پارتياسىنىڭ مۇشەلەرى كوروناۆيرۋسپەن كۇرەسكە بارىنشا كۇش سالىپ جاتىر. سونداي-اق, قالالىق ءماسليحات دەپۋتاتى ميحايل جەلنوۆ ءۇش بىردەي بوبروۆ اپپاراتىن ساتىپ الدى. ولار №1 قالالىق جەدەل جاردەم اۋرۋحاناسىنا جانە وبلىستىق كارديولوگيالىق ورتالىققا بەرىلدى. بۇل قۇرىلعى تازا وتتەگى ناۋقاستىڭ تىنىس الۋ جولدارىن قۇرعاتىپ جىبەرمەۋى ءۇشىن وتتەگىنى ىلعالداندىرۋعا ارنالعان. دارىگەرلەر اتاپ وتكەندەي, قازىرگى جاعدايدا وسىنداي قۇرلىعى ساۋساقپەن سانارلىق. سونىمەن قاتار, ۋاقىتشا گوسپيتال قىزمەتكەرلەرى حالىق قالاۋلىسىنان 1000 ليتر اۋىز سۋ الدى, - دەپ حابارلايدى Egemen.kz.
"ماقسات – ازاماتتارىمىزدىڭ ءومىرى مەن دەنساۋلىعىن ساقتاۋ, ازاماتتاردى ساقتاۋ. بۇل ەڭ باستىسى. ءبىز قاي كەزدە دە, باسىمىزعا كۇن تۋعاندا بىرلەسىپ, ءبىر-بىرىمىزگە كومەكتەسەتىندىگىمىزبەن ماقتانامىز. وسىلاي جاساعاندا عانا ءبىز بارشا حالىق بولىپ كوروناۆيرۋستى جەڭە الامىز", - دەدى ميحايل جەلنوۆ.
ءوز كەزەگىندە قالالىق ء ماسليحات دەپۋتاتى قوبلانبەك قوجين ءتۇرلى دەڭگەيدەگى ءماسليحات دەپۋتاتتارىمەن, جەرگىلىكتى كاسىپكەرلەرمەن بىرلەسىپ ۋاقىتشا گوسپيتالدارعا 1,5 ملن تەڭگەگە ءدارى-دارمەك جەتكىزىپ بەردى. اتاپ ايتقاندا, فتورحميولوگين, ازيتروميتسين, پاراتسەتامول, اسپيرين, ترومبواسس, كلەكسان سەكىلدى دارىلەر بەرىلدى. "Nur Otan" پارتياسى كادرلىق رەزەرۆىنە قاتىسۋشى ءاليا اسقاروۆا قالاداعى ءۇش ۋاقىتشا گوسپيتالعا 1000 ليتر اۋىز سۋ جەتكىزىپ بەردى.
الايدا, پارتيالىقتاردىڭ كومەگى مۇنىمەن بىتكەن جوق. سونداي-اق, "Nur Otan"-نىڭ وبلىستىق پارتيالىق باقىلاۋ كوميسسياسىنىڭ مۇشەلەرى سىبايلاس جەمقورلىققا قارسى كۇرەس قىزمەتىنىڭ وكىلدەرى جانە قوعام بەلسەندىلەرىمەن بىرگە رەسەي مەن قىتايدان كەلگەن گۋمانيتارلىق كومەكتىڭ بولىنۋىنە مونيتورينگ جۇرگىزدى.
ايماققا توقىلماعان ماتادان جاسالعان كيىمدەر, ءۇش قابات قالىڭدىقتاعى مەديتسينالىق ماسكالار, قورعانىس كوزىلدىرىكتەرى مەن كومبەنيزوندار, حيرۋرگيالىق قولعاپتار, ينفراقىزىل تەرمومەترلەر جەتكىزىلدى. ولاردىڭ اراسىندا كوروناۆيرۋس ىندەتىن ەمدەۋگە ارنالعان 230 قوراپ رەسەيلىك «كوروناۆير» پرەپاراتى دا بار. بۇل ءدارى COVID-19 ىندەتىنىڭ جەڭىل جانە ورتاشا اۋىر جاعدايىن ەمدەۋگە ارنالعان.
"پاۆلودار وبلىسىنا ءبىر ناۋقاسقا 3,5 قوراپتان ەسەپتەلىپ 230 قوراپ "كوروناۆير" پرەپاراتى ءبولىندى. گۋمانيتارلىق كومەكتىڭ دارىحانالارعا تاراتىلىپ كەتپەي, وبلىستاعى 38 مەديتسينا مەكەمەسىنە ءبولىنۋى پارتيا تاراپىنان قاداعالانۋ قاجەت", - دەپ اتاپ ءوتتى "Nur Otan"-نىڭ پارتيالىق باقىلاۋ كوميسسياسىنىڭ جەتەكشىسى ولەگ كوستەنكو.
COVID-19 ىندەتىمەن كۇرەسكە "Jas Otan" جاستار قاناتىنىڭ بەلسەندىلەرى دە ءوز ۇلەستەرىن قوسۋدا. جاس ەرىكتىلەر ۋاقىتشا ەمدەۋ گوسپايتالدارىنىڭ قىزمەتكەرلەرىنە "العىس پاكەتتەرىن" جەتكىزىپ بەرۋدى ۇيىمداستىردى. ۆولونتەرلار سەبەتتەردى جەمىس-جيدەكتەر, بال, قىمىز, ءشاي, قۇرعاق جەمىستەر, انتيسەپتيكتەر جانە ماسكالارمەن تولتىرعان.