بۇل تۋرالى اقوردانىڭ ءباسپاسوز قىزمەتى حابارلادى. جارلىقتىڭ ءماتىنى تومەندەگىدەي:
قازاقستان رەسپۋبليكاسى پرەزيدەنتىنىڭ جارلىعى
«شەتەلدە كادرلار دايارلاۋ جونىندەگى رەسپۋبليكالىق كوميسسيا تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 12 قازانداعى №470 جارلىعىنا وزگەرىستەر مەن تولىقتىرۋلار ەنگىزۋ تۋرالى
قاۋلى ەتەمىن:
«شەتەلدە كادرلار دايارلاۋ جونىندەگى رەسپۋبليكالىق كوميسسيا تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 12 قازانداعى № 470 جارلىعىنا (قازاقستان رەسپۋبليكاسىنىڭ ءپۇاج-ى, 2000 ج., № 43, 503-قۇجات) مىناداي وزگەرىستەر مەن تولىقتىرۋلار ەنگىزىلسىن:1-2-تارماق مىناداي رەداكتسيادا جازىلسىن:
«1-2. قازاقستان رەسپۋبليكاسىنىڭ ورتالىق جانە جەرگىلiكتi اتقارۋشى ورگاندارىنىڭ باسشىلارى جىل سايىن 1 قىركۇيەكتەن كەشiكتiرمەي شەتەلدە كادرلار دايارلاۋ جونiندەگi رەسپۋبليكالىق كوميسسيانىڭ جۇمىس ورگانىنا «بولاشاق» حالىقارالىق ستيپەندياسى بويىنشا ماماندار دايارلاۋعا ءوتiنiمدى ۇسىنسىن.»;
جوعارىدا اتالعان جارلىقپەن بەكىتىلگەن شەتەلدە كادرلار دايارلاۋ جونىندەگى رەسپۋبليكالىق كوميسسيا تۋرالى ەرەجەدە:
4-تارماقتا:
2) تارماقشا مىناداي رەداكتسيادا جازىلسىن:
«2) «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىنا (بۇدان ءارى – ىرىكتەۋ قاعيدالارى) سايكەس «بولاشاق» حالىقارالىق ستيپەندياسىن تاعايىنداۋ, ودان ايىرۋ تۋرالى شەشىم قابىلداۋ;»;
3) جانە 4) تارماقشالار الىپ تاستالسىن;
10-تارماقتا:
2) تارماقشا الىپ تاستالسىن;
7) تارماقشا مىناداي رەداكتسيادا جازىلسىن:
«7) مەملەكەتتىك ءتىلدى ءبىلۋدىڭ قاجەتتى ەڭ تومەن دەڭگەيىن, شەتەلدىك جوعارى وقۋ ورىندارىنىڭ, شەت مەملەكەتتەردىڭ ۋاكىلەتتى ورگاندارى ايقىندايتىن شەتەلدىك ۇيىمداردىڭ تالاپتارىن ەسكەرە وتىرىپ, شەت ءتىلىن ءبىلۋدىڭ قاجەتتى ەڭ تومەن دەڭگەيىن بەلگىلەيدى;»;
مىناداي مازمۇنداعى 12), 13) جانە 14) تارماقشالارمەن تولىقتىرىلسىن:
«12) ىرىكتەۋ قاعيدالارىنا سايكەس «بولاشاق» حالىقارالىق ستيپەندياسىنان باس تارتۋدى قابىلدايدى, سونداي-اق «بولاشاق» حالىقارالىق ستيپەندياسى شەڭبەرىندە العان ماماندىعى بويىنشا ەڭبەك قىزمەتىن قازاقستان رەسپۋبليكاسىنىڭ اۋماعىندا جۇزەگە اسىرۋدى كەيىنگە قالدىرۋ تۋرالى شەشىم قابىلدايدى;
13) «بولاشاق» حالىقارالىق ستيپەندياسىن تاعايىنداۋ ءۇشىن باسىم ماماندىقتار تىزبەسىن جىل سايىن بەكىتەدى;
14) ىرىكتەۋ قاعيدالارىندا ايقىندالعان ادامدار ساناتتارى ءۇشىن «بولاشاق» حالىقارالىق ستيپەندياسىنىڭ شەكتى سانىن جىل سايىن بەلگىلەيدى.».
وسى جارلىق جاريالانعان كۇنىنەن باستاپ كۇشىنە ەنەدى.
قازاقستان رەسپۋبليكاسىنىڭ پرەزيدەنتى ق.توقاەۆ
نۇر-سۇلتان, اقوردا, 2020 جىلعى 16 شىلدە
№372