"رەسەي قازاقستانعا 2025 جىلعا دەيىن ۇزاق مەرزىمدى ەكونوميكالىق ىنتىماقتاستىقتىڭ جاڭا باعدارلاماسىن ىسكە قوسۋدى ۇسىنادى", دەپ حابارلايدى Egemen.kz تاسس اگەنتتىگى تاراتقان دەرەككوزدەرگە سىلتەمە جاساپ.
رەسەي ۇكىمەت باسشىسى ميحايل ميشۋستين بۇل ۇسىنىستى مينسكىدەگى كەزدەسۋ كەزىندە قازاقستان ۇكىمەتىنىڭ باسشىسى اسقار مامينگە ۇسىندى.
ەكى تاراپ بەلارۋسسياعا ەۋرازيالىق ۇكىمەتارالىق كەڭەستىڭ وتىرىسىنا كەلدى.
رەسەي پرەمەر-ءمينيسترى ەكى ەل اراسىنداعى ءوزارا ءىس-قيمىلدىڭ پراكتيكالىق ماسەلەلەرى ىنتىماقتاستىق جونىندەگى ۇكىمەتارالىق كوميسسيا دەڭگەيىندە شەشىلىپ جاتقانىن اتاپ ءوتتى.
رف پرەمەر-ءمينيسترى جيىرما ەكىنشى وتىرىستى جاقىن ارادا, كۇزدە رەسەيدە وتكىزۋ جوسپارلانعان. رەسەي مەن قازاقستان ساۋدا-ساتتىقتىڭ ءوسۋ قارقىنىن 2020 جىلدىڭ سوڭىنا دەيىن قالپىنا كەلتىرۋى كەرەكتىگىن ايتتى.
"2020 جىلدىڭ ءبىرىنشى جارتىجىلدىعىندا ءبىزدىڭ ساۋدا-ەكونوميكالىق ىنتىماقتاستىق قارقىنىمىز باسەڭدەدى, بۇل كوروناۆيرۋستىق ينفەكتسياعا بايلانىستى بولدى, ال قاڭتار-مامىر ارالىعىندا ونىڭ كولەمى شامامەن 7,5% تومەندەدى. بىراق ءبىز 2020 جىلدىڭ سوڭىنا دەيىن تۇراقتى ءوسۋدى قالپىنا كەلتىرەتىنىمىزگە سەنىمدىمىن جانە وسىعان بايلانىستى قازاقستاندىق سەرىكتەستەرمەن ماكروەكونوميكالىق ساياساتتى ۇيلەستىرۋ بويىنشا كونسۋلتاتسيالاردى جۇيەلى تۇردە جالعاستىرۋ قاجەت دەپ سانايمىن", دەيدى ميشۋستين.
رەسەي پرەمەر-ءمينيسترى رەسەي قازاقستانعا كوروناۆيرۋستىق ينفەكتسياعا قارسى تۇرۋدا كومەك كورسەتۋدى جالعاستىراتىنىن, كوروناۆيرۋستىق ينفەكتسيامەن كۇرەسۋ جونىندەگى بىرلەسكەن كۇش-جىگەرىمىز باۋىرلاس قارىم-قاتىناستارىمىزدىڭ ەرەكشە سيپاتىن دالەلدەگەنىن دە ەسكە سالىپ ءوتتى. . ميشۋستين اتاپ وتكەندەي, جەكە قورعانىس قۇرالدارى, ءدارى-دارمەكتەر, سىناق جۇيەلەرى رەسەي فەدەراتسياسىنان قازاقستانعا جەتكىزىلدى.
ءوز كەزەگىندە, قر پرەمەر-ءمينيسترى ساۋدا-ساتتىق كولەمىنىڭ بەلگىلەنگەن مەرزىمدە قالپىنا كەلەتىنىنە سەنىم ءبىلدىردى جانە قازاقستان كوروناۆيرۋسقا قارسى رەسەي ۆاكتسيناسىن ءبىرىنشى بولىپ ساتىپ الاتىن ەلدەردىڭ ءبىرى بولاتىنىن ايتتى.